Szokoladowy maszkyt na gibko (Ekspresowe ciasto czekoladowe)

Niyrołz1 chce nōm2 sie czego słodkego, ale sie czowiek myśli: dlo jednego abo dwōch sie niy opłaci piyc, za kans3 tego bydzie, sie zmarnuje i take tam inksze4. Moja Kobiyta5 terozki niy jy cukru- post sie robi, a mie aże skryncało za słodkim, a niy chciało mi sie kupować, bo to trza szporować6 i żech prziszoł na tako idyja7. Tego ciasta je niy za kans, a dlo jednego do kafeju8 to i na trzi dni styknie9. To je cojsik pomiyndzy browni a murzynkym. Niy moł10 tego zokalca11 jak browni, ale tyż niy je puchate jak murzynek. Fajnie wilgotne, niy za słodke… biercie sie za robota 😉

Co potrza?

3 jajca

80-100 g cukru

120 g szokolady (tela mi sie nazbiyrało z tych napoczyntych ze szranku 😉 )

100 masła

120 g mōnki pszynnyj

ździebko soli dlo złōmania smaku

Masło ze szokoladōm ôzpuśćcie12 we jakim gorczku. Jajca ubijcie ze cukrym i solōm, a niyskorzi13 dociepcie14 tam mōnka i ôchōdzōno masa ze szokoladōm. Wymiyszejcie, wlyjcie do ôkrōngłyj formy i na 30 min do bratruły15 ôzgrzōnyj16 na 165 stopni.

Na wiyrch mogecie sie dać jakego dżymu, kōnfitury, ubityj śmiytōnki abo i nic 😉 Smacznego 🙂

1czasem

2ō- samogłoska w wymowie między o i u

3dużo

4inne

5Żona

6oszczędzać

7pomysł

8kawy

9wystarczy

10ma

11zakalca

12ô=ło; rozpuśćcie

13później

14dorzućcie

15piekarnika

16rozgrzanej

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*