Szałołt słodko-kwajśny (Sałatka słodko-kwaśna)




Im bliżyj lata, tym barzi1 ciōngnie2 mie3 do szałołtōw- może to te dwa kilo, kere4 mi jeszcze ôstały ze zimy 😉 Lubia byle co powciepować na talyrz, a niy rołz, niy dwa z tego wyńdzie5 richtich6 co dobrego 🙂

Co potrza?

Na kołżdy talerz wciepcie7:

2 gorście rukoli,

gorść roszpōnki,

1 tōmata8 żōłto i jedna czerwōno- abo po połra tych koktajlowych,

poła pokrōnego jabka,

gorść pokrōnych pozimek (truskawek),

pó gorści borōwki hamerykańskyj,

połra kōnskōw fety.

A do tego jeszcze przidzie zōłza:

łeżka mostrichu9,

łeżka miodu,

połra łeżek oliwy,

połra łeżek oleju rzepakowego,

2 łeżki tequili (choć mogecie i bez- abo z łeżkōm kōniaku czy whisky),

2 łezki ôctu balsamicznego.

Składniki szałołtu fajnie poukłołdejcie na talyrzu, a składniki zōłzy trza yno porzōndnie ôzfyrlać10 w jaki azjetce11, żeby sie złōnaczōł12 taki jednolity, gynsty płyn i fertich13. Smacznego 🙂

1bardziej

2ciągnie; ō- samogłoska w wymowie między o i u

3mnie

4które

5wyjdzie

6naprawdę

7wrzućcie

8pomidor

9musztardy

10roztrzepać

11salaterce

12powstał

13gotowe




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*