Szałołt słodko-kwajśny (Sałatka słodko-kwaśna)

Im bliżyj lata, tym barzi¹ ciōngnie² mie³ do szałołtōw- może to te dwa kilo, kere⁴ mi jeszcze ôstały ze zimy 😉 Lubia byle co powciepować na talyrz, a niy rołz, niy dwa z tego wyńdzie⁵ richtich⁶ co dobrego 🙂

Co potrza?

Na kołżdy talerz wciepcie⁷:

2 gorście rukoli,

gorść roszpōnki,

1 tōmata⁸ żōłto i jedna czerwōno- abo po połra tych koktajlowych,

poła pokrōnego jabka,

gorść pokrōnych pozimek (truskawek),

pó gorści borōwki hamerykańskyj,

połra kōnskōw fety.

A do tego jeszcze przidzie zōłza:

łeżka mostrichu⁹,

łeżka miodu,

połra łeżek oliwy,

połra łeżek oleju rzepakowego,

2 łeżki tequili (choć mogecie i bez- abo z łeżkōm kōniaku czy whisky),

2 łezki ôctu balsamicznego.

Składniki szałołtu fajnie poukłołdejcie na talyrzu, a składniki zōłzy trza yno porzōndnie ôzfyrlać¹⁰ w jaki azjetce¹¹, żeby sie złōnaczōł¹² taki jednolity, gynsty płyn i fertich¹³. Smacznego 🙂