Włosko szpajza (Tiramisu)




Na zicher1 je blank2 mało ludzi, kerzy3 niy wiōm4, co to je za maszkyt. Siedym składnikōw, a kołżdy5 i tak to robi trocha po swojymu. Choć rōżnice przi rychtowaniu6 bydōm małe, ale przi jedzyniu wartko7 wyczujymy tyn recept8, kery nōm nojbarzi9 pasuje 😉

Co potrza?

4 jajca (4 żōłtka i 2 białka)

70 g cukru

500 g mascarpōne

200 g podłużnych biszkoptōw

szklōnka mocnyj kawy- jo żech zrobiōł 2 podwōjne espresso

4 łeżki likeru mandlowego10– joł żech doł maltański liker Lewża, choć niyftorzi pedzōm11, że pasuje yno12 Amaretto

2 łeżki kakao

Tiramisu robi sie dojś13 wartko. Ubijcie biōłka- dejcie14 dō nich poła15 cukru, a potyn na parze ubijcie żōłtka ze resztōm cukru (na parze, keby16 fto niy wiedziōł, to bydzie we misce nad gorkym ze warzōncōm17 sie wodōm). Jak już te żōłtka bydōm fajnie ubite -tak ze połra minut im dejcie18to wmiyszejcie tam liker i mascarpōne. A na sōm19 kōniec po leku20 dodejcie tam biōłka. Terozki kawa przelyjcie do jakego talyrza, tōnknijcie21 w nim biszkopta i przełōżcie do formy (nojlepi taki prostokōntnyj żaroodpornyj). Jak już cały spodek bydzie wypełniōny biszkoptami, to wyłōżcie na nie poła masy ze mascarpōne i na to posujcie jeszcze łeżka kakao (nojlepi bez22 sitko). Tera zajś23 przidōm24 biszkopty tōnkane25 we kawie i na nie reszta masy. Po wiyrchu ôstało26 nōm już yno to posuć27 kakao, dać na połra28 godzin abo całoł noc do lodōwki i… Smacznego 🙂

1na pewno

2całkiem

3którzy

4wiedzą; ō – samogłoska w wymowie między o i u

5każdy

6przygotowywaniu

7szybko

8przepis

9najbardziej

10migdałowego

11powiedzą

12tylko

13dość

14dajcie

15połowę

16gdyby

17gotującą

18dajcie

19sam

20powoli

21zamoczcie

22przez

23znów

24przyjdą

25moczone

26zostało

27posypać

28kilka




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*