Szałołt Zielōno mi (Sałatka Zielono mi)




W sezōnie grillowym na talyrzu do fajnie przipieczōnego wōsztu1 abo krupnioka2 przido sie tyż co zielōnego, a jak Wōm sie trefi3 na zygrōdce4 jaki weganin, to tyż niy pódzie5 do dōm godny.

Co potrza:

połra listkōw zielōnego szałołtu

2 gorśćie rukoli

2 jabka

połra łodygōw zelera6 naciowego

pó ananasa

trocha natki pietruszki

pynczek sznitlochu7 abo wiyrchu ze dymki

zōłza8

łeżeczka mostrichu9

łeżeczka dżymu ze moreli abo żōłtych śliwek

połra łeżek oliwy

połra łeżek oleju rzepakowego

2-3 łeżki octu winnego abo ze jabek

Składniki zōłzy wciepcie do jaki azjetki10 i wymiyszejcie.

Szałołt potargejcie na mańsze11 kōnski12, natka i sznitloch pokrejcie drobno, a reszta na take trocha wiynksze kōnski i wymiyszejcie.

Zōłzōm nojlepi to ôblołć dopiyro na talyrzu. Smacznego 🙂

1kiełbasy

2kaszanki

3trafi

4ogródku

5pójdzie

6selera

7szczypiorku

8sos

9musztardy

10miseczki

11mniejsze

12kawałki




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*