Szałołt Zielōno mi (Sałatka Zielono mi)

W sezōnie grillowym na talyrzu do fajnie przipieczōnego wōsztu¹ abo krupnioka² przido sie tyż co zielōnego, a jak Wōm sie trefi³ na zygrōdce⁴ jaki weganin, to tyż niy pódzie⁵ do dōm godny.

Co potrza:

połra listkōw zielōnego szałołtu

2 gorśćie rukoli

2 jabka

połra łodygōw zelera⁶ naciowego

pó ananasa

trocha natki pietruszki

pynczek sznitlochu⁷ abo wiyrchu ze dymki

zōłza⁸

łeżeczka mostrichu⁹

łeżeczka dżymu ze moreli abo żōłtych śliwek

połra łeżek oliwy

połra łeżek oleju rzepakowego

2-3 łeżki octu winnego abo ze jabek

Składniki zōłzy wciepcie do jaki azjetki¹⁰ i wymiyszejcie.

Szałołt potargejcie na mańsze¹¹ kōnski¹², natka i sznitloch pokrejcie drobno, a reszta na take trocha wiynksze kōnski i wymiyszejcie.

Zōłzōm nojlepi to ôblołć dopiyro na talyrzu. Smacznego 🙂