Nolywka ze aprikołzōw (Nalewka morelowa)




Łōńskego1 roku robiōłech jōm piyrszy rołz2 i musza Wōm pedzieć3, że żech sie niy spodziywoł, że to baje4 take dobre. Narychtowoł żech jōm tako barzi5 wytrawno i bez to mogecie jōm polołć nawet jakim smakoszōm ôd whisky.

Co potrza?

2 kg aprikołzōw

0,5 litra szpyrytusu

0,5 l gorzołki6

1- 2 szklōnki cukru

Umyte aprikołzy bez pestkōw wciepcie7 do srogi8 krauzy9, zalyjcie gorzołkōm i szpyrytusym i zapōmnijcie ô nich. Połra tydni niyskorzi10 ślyjcie11 gorzołka do jaki flaszki, a morele po wiyrchu12 posujcie13 cukrym (tak na oko pó szklōnki). Jak puszczōm sok, to ślyjcie go do flaszki i zajś posujcie cukrym. Wiyncyj żech tego niy zasypowoł, yno żech je przepuściōł bez wyciskarka do owocōw i miołech z tego jeszcze idealny dżym do smarowania tortōw i inkszych maszkytōw. Ale Wy mogecie to jeszcze zasypać i wyciōngnōńć z tych owocōw jeszcze trocha dobroci. A na kōniec uwarzcie sie z tego kōmpotu 😉

Robi sie to richtich14 ajnfachowo15, a potyn yno fajer16 dlo kubkōw smakowych.

Prost!17

1w zeszłym

2raz

3powiedzieć

4będzie

5bardziej

6wódki

7wrzućcie

8dużej

9słoika

10później

11zlejcie

12na górze

13posypcie

14naprawdę

15prosto

16uczta

17na zdrowie




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*