Ajntopf ze krupami (Zupa a’la krupnik)




Ajntopf1 to je super zupa, gibko2 sie jōm robi, a wiela czasu sie naszporuje3– niy trza przeca wtedy warzić drugego dania 😉

Co potrza?

1 liter soku ze tōmatōw4 abo 2 biksy5 tōmatōw, abo 1 kg świyżych

1 cebula

3 marchwie

1 małoł cukinia

100 g krupōw (jo żech doł kasza bulgur)

łeżeczka bazylii

sōl i pieprz

połra łeżek oliwy

Na oliwie zeszklijcie cebula, dociepcie tam pokrōno byle jak marchew, prziprawy, pomiyszejcie chwila, zalyjcie sokym, dolyjcie trocha wody i niech sie warzi tak dugo, aże zmiynknie marchew. Niyskorzi to zblyndujcie. Wciepcie tam krupy i pokrōno cukinia. Jak krupy bydōm uwarzōne, mogecie to jeszcze dosmakować i brać sie za jedzynie. Smacznego 🙂

1danie jednogarnkowe

2szybko

3zaoszczędzi

4pomidorów

5puszki




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*