Chlyb na zakwasie: pszynny… prawie ;)

Ze Anglii żech sie prziwiōz1 zakwas, kery mo pōnojś2 100 lołt, a jak już sie moł3 taki zakwas, to trza rychtować4 chlyb. Tyn piyrszy jakosik niy chcioł rojś, ale za to tyn drugi ros5… choby na drożdżach 😉 Trocha żech sam wydziwioł, ale dōńda6 jeszcze do barzi7 ajnfachowych8 receptōw 😉

Co potrza?

pó szklōnki zakwasu*

pó szklōnki mōnki żytniyj (razowyj)

pó szklōnki mōnki za majsu9 (abo mogecie dać i jaki inkszyj)

5 szklōnkek mōnki pszynnyj (nojlepi coś miyndzy tortowōm a razowōm 😉 )

2 szklōnki wody

pó szklōnki ziorek słōnecznika (i jeszcze dodatkowo na wiyrch)

połra łeżek pomelanych10 ziorek lnu (abo takich całych)

2 łeżeczki soli (płaske)

Przi takim chlebie przido sie trocha ciyrpliwojści. Nojprzōd żech pomiyszoł letnio woda ze szklōnkōm mōnki pszynnyj, połōm żytniyj i tyj ze majsu, porzōndnie to wymiyszoł i ôdstawiōł żech to na połra godzin w jake ciepłe miejsce (nojlepi by bōło na całoł noc). Niyskorzi11 dociepłech tam 4 szklōnki mōnki pszynnyj, sōl i żech to połra minut wyrołbioł12. Potyn żech dociep słōnecznik, lyn i wrajziōł żech do prostokōntnyj formy (takyj na keks). Łozgrzoł13 żech leko bratruła14 (yno włōnczyć i wyłōnczyć)- tak na 40 stopni i wrajziōł15 żech tam te wyrobiōne ciasto na 2-3 godziny. Potyn już yno pieczynie: 60 minut na 210 stopni. Jak bydzie upieczōny, to wyciōngcie go ze formy, postołwcie na jako krataka, żeby sie trocha ôdpocznōł. Tyn chlyb niy bydzie taki miynki jak sklepowy, ale na zicher wiycie, co tam je driny 😉

Terołzki już yno pokrołć go na sznity i smacznego 🙂

*Taki zakwas mogecie sie narychtować i mołcie go już potyn na cołke życie 😉 Wejście16 litrowo krauza17, wlyjcie tam 1/3 szklōnki wody i 3 łeżki mōnki żytniyj, przikryjcie jōm jakōm szmatkōm i postołwcie na fynsterbrecie18. Na drugi dziyń wsujcie19 tam zajś20 3 łeżki mōnki, wlyjcie 1/3 szklōnki wody i wymiyszejcie. Na 3 i 4 dziyń to samo, a na 5 już mołcie zakwas fertich21. Zawsze, jak ôdlejecie co ze krauzy do rychtowania chleba, to dociepcie tam potyn trocha mōnki (jo dociepuje tyż pszynnyj) i dolyjcie wody. Wejście sie jaki dekel22 do tyj krauzy, zrōbcie w nim dziura, zakryńćcie krauza i wrojście do lodōwki. Jak bajecie chcieli kōmu dać tyn zakwas, to styknie, jak mu dołcie połra łeżek we jakim bojtlu23, ôn/ôna to łozmiyszo24 ze mōnkōm i wodōm, a za dwa dni już baje25 mioł swōj zakwas.

1przywiozłem

2podobno

3ma

4robić

5rósł

6dojdę

7bardziej

8prostych

9kukurydzianej

10zmielonych

11później

12wyrabiał

13rozgrzałem

14piekarnik

15włożyłem

16weźcie

17słoik

18parapecie

19dosypcie

20znów

21gotowy

22wieczko

23woreczku

24rozmiesza

25będzie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*