Tuste ze jabkym i śliwkōm (Smalec z jabłkiem i śliwką)

Niyrozki dostana1– a to łod sōmsiada2 od moji Mutry, a to łod jyj kōmratki3– kōnsek4 szpeku5, ale to niy byle jaki szpek, bo łod świnie, co to bōła chowano6 do siebie, a niy na sprzedyj i bez7 to dostowała ciyngiym8 lepszy futer.9 Moja Muter to sie tam z tym niy smoli- zeskwarzi10, do krauzy11 i fertich12, ale joł żech sie tak pomyśloł, że jak już wieza13 takoł daleko drōga we tym swojim kofrze14 ta świnia, to należy jyj sie już co lepszego 😉

Co potrza?

20 dkg szpeku

1 jabko- niy za miynke

3-4 suszōne śliwki

sōl, pieprz (korzynie)

15 łeżeczki majeranku

pó łeżeczki tymianku

Tego szpeku mogecie dać tyż wiyncyj, ale joł do tych eksperymyntōw niy chcioł zarozki dołwać pó kilo, bo jakby mie to potyn niy smakowało, to bych sie z tym musioł dużyj trołpić.16 I jak na te 20 dkg szpeku to jest tyż dojś dużo jabka, ale to bez to, żeby te tuste17 niy bōło za tuste.

Pokrejcie18 sie tyn szpek na drobno kosteczka i wciepcie na patelnia abo do jakego garca i niech sie pomału skwarzi. Te śliwki zalyjcie na chwila wrzōncōm wodōm i potyn pokrejcie razym ze jabkym. Jak już we garcu bydōm take fajne brōnołtne szpyrki19, symnijcie20 go ze łognia, wciepcie tam pokrōne jabko, śliwki, prziprawy, fajnie wymiyszejcie, przelyjcie do jakego gorczka abo krauzy i fertich. Jak tyn fet już ochōdnie,21 to nic yno brać sznita22 chleba, smarować i smacznego 🙂

Tuste ze jabkym i śliwkom- małe

1dostanę

2sąsiada

3koleżanki

4kawałek

5słoniny

6chodowany

7przez

8ciągle

9karmę

10topić słoninę

11słoika

12gotowe

13wiozę

14walizce

15połowa

16męczyć

17inna nazwa na smalec

18pokrójcie

19skwarki

20zdejmijcie

21się ostudzi

22kromkę

2 thoughts on “Tuste ze jabkym i śliwkōm (Smalec z jabłkiem i śliwką)

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *