Mirbetajg ze bananōma (Kruche z bananami)

Jak byjście sie chcieli zjejś kōnsek1 ciasta, a niy lubicie kupnego, ale tyż niy chce Wōm sie za kans smolić2 ze pieczyniym, to tyn mirbetajg bydzie idealny. Szło by pedzieć, że przeca sōm tera3 pozimki4, ale zarozki ftojś powiy: tyla łobiyrania. Jabka? Trza by bōło łostrugać…. A banany otwiyrocie, krajecie byle jak i fertich5 ! Tyn recept na ciasto je jeszcze łod moji Ōłmy- choć tak po prołwdzie, to łona zawsze piykła i warzōła wszysko na łoko6 😉

Co potrza?

5-6 bananōw

Ciasto:

125 g masła

1 jajco7 całe

2 żōłtka

1 szklōnka8 cukru

2 szklōnki mōnki pszynny9

2 łyżeczki proszku do pieczynioł

skōrka łotarto ze jednyj citrōłny10

Włōnczcie11 sie piec na 180 stopni. Wszyske składniki ciasta wciepcie do miski i dobrze ugniyćcie. Na spodek łokrōngłyj formy dejcie papiōr do pieczynioł, wyłōżcie na niego połowa abo 2/3 ciasta- wiynksze pó12 😉 – i na 10 minut wsołdźcie13 do pieca. Reszta ciasta bez tyn czas mogecie dać do lodōwki. Jak już tyn spodek sie trocha przibrōnołci14, to go wyciōngcie i wciepcie na gōra pokrōne banany, na wiyrch poukłołdejcie reszta ciasta i wrojście15 do pieca na 40 minut- dejcie pozōr, żeby sie niy przipołlōło.16

Jak sie upiecze, to idzie je zaserwować i ze lodami. Joł żech je jołd ze lodami cytrynowymi i tyn zestaw bōł richtig dobry- na lato nawet idealny. Smacznego 🙂

Mirbetajg ze bananoma-małe

1kawałek

2marnować czas, trudzić

3teraz

4truskawki

5gotowe

6oko

7 jajko

8 szklanka

9 mąki pszennej

10wstaw

11 włączcie

12pół

13 wstawcie

14przypiecze

15włożcie

16 uważajcie, żeby się nie przypaliło

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *