Zapiekanka profesorskoł (Zapiekanka profesorska)

Już za połra1 dni bydzie Dziyń Nauczyciela i bez to czowiek sie tak barzi myśli ô2 tych roztomajtych rechtōrach3 i profesorach, co to ich na tyj swoji drōdze spotkoł. Jak żech sztudiyrowoł4 we Warszawie, to poznoł żech tam take dwie profesorki, co to im do dzisiej nojbarzi pszaja5. I ta jedna niy dojś6, że nauczoła mie lepi gołdać (choć tak po prołwdzie to mówić 😉 ), to jeszcze, jak żech rołz7 bōł8 u ni na bezuchu9, to mie poczynstowała takōm zapiekankōm, a ôna tak mi zasmakowała, że rołz za jaki czas sie jōm rychtuja10. Wariacji na tyn tymat idzie zrobić kans11, ale co nojważniyjsze- gibko12 sie jōm robi, a potyn tela dobroci.

Co potrza?

ze dwa abo trzi kōnski wōsztu13 (zależy jake sōm sroge14 i wiela15 lubicie miysa)

mogecie dać tyż dlo lepszego smaku trocha wyndzōnki16 (15-20 dkg)

1 cebula

2 mańsze17 cukinie

5-6 tōmatōw18

syr feta

2-4 zōmbki czosku

pieprz (abo korzynie)

ze dwie łeżki zielōw prowansalskich

Na sōm przōd19 podpiyczcie na patelni pokrōny20 wōszt i wyndzōnka. Jak sie już trocha przibrōnołci21, to wciepcie tam tyż na chwila pokrōnoł cebula, a niyskorzi22 wciepcie23 to wszysko (jak pisza tyn wyraz, to za kołżdym razym mōm przed ôczōma ta profesorka, kero24 gołdała, jak fto tak po polsku źle wypedzioł słowo „wszystko”, że wszysko to je takoł srogoł we… przi jedzyniu niy byda ôsprawioł25, co to niyftorzi ludzie majōm we wosach… ale po ślōnsku to przeca co inkszego 😉 ) na dōł wiynkszego naczynia żaroodpornego abo brytfanki. Tōmaty ôbiercie ze skōrōw i pokrejcie na szajby26. Tak samo cukinia i feta (żeby tyn syr sie nōm lepi krajało, to mogecie go na chwila wciepńōńć do zamrażalki). I potyn we tym naczyniu żaroodpornym ukłołdejcie na wōszcie (jak na ôbrozku27) szajba cukini, szajba fety, szajba tōmaty… cukinia, feta, tōmata… aż całe naczynie bydzie połne28. Po wiyrchu posujcie to zielami prowansalskimi, pieprzym i powciepujcie wiynksze kōnski29 czosku. Niyskorzi trza to yno zawrzić30 i skludzić31 we bratrurze ôzgrzōnyj na 180 stopni na 40 minut- aż cukinia bydzi fajnie miynkoł32. Potyn sie yno nałōżcie na talyrz- niy zapōmnijcie,że na dole je fajny wōszt i… smacznego 🙂

PS Na ôbrołzku widać zapiekanka jeszcze niy upieczōnoł!

Zapiekanka profesorskoł-małe

1kilka

2ô= ło

3nauczycielach; ō- samogłoska w wymowie między o i u

4studiował

5lubię, kocham

6nie dość

7raz

8był

9w odwiedzinach

10przygotowuję

11dużo

12szybko

13kiełbasy

14duże

15ile

16boczku wędzonego

17mniejsze

18pomidory

19najpierw

20pokrojony

21przypiecze

22później

23wrzućcie

24która

25opowiadał

26plastry

27zdjęciu

28pełne

29kawałki

30zamknąć, przykryć

31schować

32miękka

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *