Szokoladowe kulki ze prosym (Trufle czekoladowe)

Nojbarzi1 lubia take maszkyty2, co sie gibko3 rychtuje4 i te szokoladowe kulki sōm5– idzie pedzieć6– idealne. Kupiōłech sie jakiś czołs7 tymu espandowane proso (teke dmuchane). Proso uprawiali nasze pra-praōłpy8 i ōłmy, potyn ô9 nim zapōmnieli, a ôno moł kans10 fetaminōw11, biōłka i zdrowego fetu12. Do tego jeszcze dołech13 mielōne ôrzechy laskowe, co to i fajnie smakujōm, i majōm kans fetaminy E- a jōm mianujōm14 niyrołz fetaminōm młodojści i płōdności… Do tego jeszcze szokolada15, co to je ôd wiekōw znanym afrodyzjakym… dejcie sie pozōr16 😉

Co potrza?

1 syrek maskarpōne (250 g)

1 gorzkoł szokolada

0,5 szklōnki ôrzechōw laskowych

1 łeżka rumu

50 g prosa espandowanego (mogecie tyż dać espandowany ryż, amarantus abo i co inkszego)

Kebyjście musieli mieć to słodsze, to dejcie17 jeszcze łeżka pudecukru18– joł niy doł19, bo i tak za chwila trza sie bydzie wziōńć za te 3 kilo, co żech nazbiyroł na mrozy 😉

Ôzpuśćcie20 szokolada – nojlepi we misce nad gorkym wrzōncyj wody- i pomiyszejcie jōm ze maskarpōne, ôrzechōma i rumym. Wsujcie proso na jaki talyrz, wejście łeżka masy i wciepcie21 do tego talyrza, ôbsujcie prosym, uformujcie kulka i fertich22. Niyskorzi dejcie to do lodōwki, żeby trocha stwardło i- smacznego 🙂

Szokoladowe Kulki ze prosym-małe

1najbardziej

2słodkości

3szybko

4przygotowuje

5są; ō- samogłoska w wymowie między o i u

6powiedzieć

7czas

8pradziadkowie

9ô = ło

10dużo

11witamin

12tłuszczu

13dodałem

14nazywają

15czekolada

16uważajcie

17dodajcie

18cukru pudru

19dałem

20rozpuśćcie

21wrzućcie

22gotowe

One thought on “Szokoladowe kulki ze prosym (Trufle czekoladowe)

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *