Golōnka ze piwym 2 (Golonka piwna 2)

Jedna kōmratka1 miała u mie zaległe golōnki, a jak już miała prziś2, to żech trocha zaczōn3 eksperymyntować. Miały być rychtowane4 we niski tymperaturze, ale że we gorku bōła5 straszno cizba6, to trza bōło improwizować i uwarzić je barzi tradycyjnie. Do tych golōnek dlo ciyrpliwych jeszcze kedy7 przida, ale dziynki tym mioł żech potyn fajny galert8 😉

Co potrza?

2-3 kg golōnki (nojlepi tyj ze zadku)

0,5 litra piwa

0,5 litra wody

połra liści bobkowych9

połra ziorek10 ziela angelskigo

połra ziorek jałowca

2 zōmbki czosku

sōl i pieprz

Dziyń naprzōd11 wrojście12 te golōnki do gorka, wciepcie tam prziprawy (czosnek moge być nawet we całojści) i zalyjcie wszyjsko piwym i wodōm. Na drugi dziyń dejcie13 tyn gornek na piec i niech sie to na małym ôgniu14 warzi- nawet i 3 godziny. Potyn wyciōngcie15 golōnki, przełōżcie na blacha i wrojście do bratruły16 na funkcja grill na nojwyższy poziom (jak ji17 niy mołcie18, to rozgrzyjcie bratruła na 250 stopni) na 20-30 minut, tak żeby sie fajnie przibrōnołciōły19. Tera już yno ôstało je fajnie pokrajać i… smacznego!

 

A co ze wywarym? Joł zrobiōł z niego galert 🙂

A recept na niego znojdziecie sam: http://chopwkuchni.pl/?p=731

1koleżanka; ō- samogłoska w wymowie między o i u

2przyjść

3zacząłem

4przygotowywane

5była

6tłok

7kiedyś

8galaretka

9laurowych

10ziarenek

11wcześniej

12włóżcie

13dajcie

14Ô = ło

15wyjmijcie

16piekarnika

17jej

18macie

19przypiekły

20przepis

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *