Szinka we mostrichu (Szynka w musztardzie)

Do narychtowania1 tego dania zaispirowoł mie jedyn kuchołrz ze Piekar Ślōnskich2, kej3 mi ôsprawioł4 ô karczku we trzech mostrichach- miyszocie trzi roztomajte5 mostrichy (francuski, dijon i jakiś ajnfachowy6) i wciepujecie tam karczek na dwa dni i do bratruły7. Joł bych chyba niy bōł mnōm8, kej9 bym sam co niy pokōmbinowoł i tak mi wyszła szinka we mostrichu. Aromatyczno, miynkoł i… kołżdy10 poradzi takoł narychtować.

Co potrza?

1 kg szinki abo karczku

2 łeżki mostrichu francuskigo (to je tyn ze srogimi11 ziorkami)

2 łeżki jakegojś inkszego12– joł doł bawarski

2 łeżki whisky abo kōniaku

1 łeżka potrzaskanych ziorek jałowca

Mostrichy pomiyszejcie ze sznapsym13 i jałowcym. Szinka posmarujcie tōm marynatōm ze kołżdyj strōny i wrojście do lodōwki na noc. Na drugi dziyń rozgrzyjcie sie bratruła na 160 stopni i bez przikrycia piyczcie tam szinka bez14 1,5 godziny. Jak przyńdzie15 godzina, to mogecie jōm przewrōcić na drugoł strōna. Tera już nōm ôstało yno pokrajać16 ta szinka na mańsze kōnski17 i… smacznego 🙂

Joł żech jōm jołd18 ze sztamfowanym grochym ze batatym i bōła richtich19 dobroł.

Recept20 znojdziecie sam: http://chopwkuchni.pl/?p=741

1przygotowania

2ō- samogłoska w wymowie między o i u

3gdy

4opowiadał

5różne

6zwykły

7piekarnika

8sobą

9gdyby

10każdy

11dużymi

12innego

13alkoholem

14przez

15minie

16pokroić

17mniejsze kawałki

18jadłem

19naprawdę

20przepis

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *