Szokoladowe babeczki (Muffiny brownies ;) )




 

Nierozki czowiek sie leży w dōma na kauczu[1], a tu nołgle[2] bezuch[3]. Co to robić,  trza by co upiyc? Na take mômynty sôm te babeczki. Raz, dwa i leżôm na stole.

Co potrza?
jedna szokolada gorzko
jedna szokolada mlyczno  (jakbyjście chcieli to mogecie się wziôńć i 2 gorzke)
4 jajca
90 g cukru  (jo dołech brōnołtny, ale mogecie dać i bioły. Jakbyjście chcieli, to mogecie tyż wciepnōńć trocha mani tego cukru- mlycznoł szokolada je słodko)
80 g masła
2 łeżki mônki

Rozpuście ta szokolada (całoł gorzko i pó[4] mlycznyj- reszta dejcie na bok) i masło w jaki misce abo gorku, co go postawicie na inkszym gorku z warzōncōm sie wodōm.

Rozgrzyjcie sie piec[5] na 240 stopni.

Jajca ubijcie ze cukrym, potyn dejcie ty mōnki i wlyjcie ta rozpuszczōnoł szokolada z masłym. Jeszcze trocha pomiksujcie i wlyjcie do takich forymek na babeczki (muffiny)- nojlepi tak 2/3 forymki, żeby Wōm sie niy wyloło, jak to baje rosnōńć. Do kożdyj forymki wciepcie na wiyrch[6] po jednyj kostce szokolady i rajn z tym do pieca. 10 minut we piecu i już mogecie gościōm nalywać kafeju[7]. Smacznego:)

 

[1] kanapie

[2] nagle

[3] odwiedziny, goście

[4] pół

[5] piekarnik

[6] na górę

[7] kawy




Dodaj komentarz

Twój adres email nie zostanie opublikowany.


*