Szpinat sie zakurzōł ;) (Kurczak ze szpinakiem)

Je to jedna ze tych zōłzōw1, kere2 idzie raz-dwa-trzi uwarzić3 i je tak ajnfachowo4, że nawet te ludzie, kere w kuchni umiōm narychtować yno pizza ze zamrażalki, dajōm sie z niōm rada. Szpinat je zdrowy, a w taki zōłzie zjedzōm go nawet te ludzie, kere myślōm, że go niy lubiōm 😉

Co potrza?

500 g piersi ze kury

100-150 g wyndzōnki5

200 g szpinatu (nojlepi tych małych liści- szpinat baby)

2 zōmbki czosku

200 ml śmietōnki (moge być 18%)

pieprz i połra gałōnzkōw6 bazylii

Nojprzōd7 na patelni przibrōnołćcie8 pokrajanoł9 wyndzōnka. A jak już baje10 fertich,11 to jōm przeciepcie12 do wiynkszego gorka- w takim gorku lepi nōm sie bydzie13 blanszować tyn szpinat. Na patelnia niech przidzie terozki14 pokrajany kurczak, a jak sie przipiecze, to tyż go wciepcie do gorka. Tera już patelnia niy bydzie nōm potrzebnoł. Do gorka wyciście czosnek, wlyjcie śmiytōnka, dejcie prziprawy (pieprz i bazylia), szpinat, przikryjcie to jakōm pokrywkōm i niech sie to wszyjsko połra15 minut powarzi. Jak już liście trocha ôklapnōm16, to mōmy nasza zōłza fertich. Idzie jōm zjejś ze nudlami17, ryżym, karołflami18 abo i ze jakōm dobrōm żymłōm19. Po wiyrchu20 mogecie21 jōm na talyrzu postrojić22 liściami bazylii. Smacznego 🙂

1sosów; ō- samogłoska w wymowie między o i u

2które

3ugotować- tu bardziej w znaczeniu przygotować

4prosta

5boczek wędzony

6gałązek

7najpierw

8przypieczcie

9pokrojoną

10będzie

11gotowa

12przerzućcie

13będzie

14teraz

15kilka

16oklapną

17makaronem

18ziemniakami

19bułką

20na górze

21możecie

22przybrać

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *