Szałołt pofyrtany (Sałatka zakręcona)

Keby¹ sie fto zapytoł, czamu² tyn szałołt je pofyrtany, to bych pedzioł³, że łōnczy składniki, kere⁴ normalnie nōm⁵ jakosik cuzamyn⁶ niy pasujōm, na przikład ananas i fasola. Do tego roztomajte⁷ liście i richtich⁸ mōmy pofyrtany miszōng⁹.

Co potrza?

2 pakety¹⁰ szałołtu¹¹– joł żech doł¹² roszpōnka i miks ze szpinatym¹³, rukolōm i botwinkōm

biksa¹⁴ ananasa- mańszoł¹⁵

biksa czerwōnyj fasoli

1 jabko

1 cebula

1 czerwōno papryka

ze 2 łeżki parmezanu- takego potartego na wiynksze kōnski¹⁶

Zōłza¹⁷ balsamiczno:

połra łeżek oliwy

połra łeżek ôleju rzepakowego

2 łeżeczki mostrichu¹⁸

2 łeżeczki miodu

2 łeżki ôctu balsamicznego

ździebko¹⁹ pieprzu

Ananasa, jabko, cebula i papryka pokrejcie²⁰ na małe kōnski. Wciepcie²¹ wszyjsko razym ze szałołtami i fasolōm do jaki srogyj²² miski. Składniki zōłzy wymiyszejcie, aż sie połōnczōm we jednolity miszōng. Zōłzōm mogecie polołć²³ szałołt we misce i cuzamyn wymiyszać abo polołć dopiyro u kołżdego na talyrzu. Taki szałołt je idealny do miysa abo ryby. Smacznego 🙂