Tōmatynzupa, jakyj żejście jeszcze niy jedli (Wyjątkowa zupa pomidorowa)


Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1748

Kole1 mie na handelku kupiōł żech sok ze tōmatōw2, kery pōnojś3 bōł wyciskany z tych nojlepszych we siyrpniu. I musza Wōm pedzieć4, że takego dobrego żech jeszcze niy piōł. Tak mie jakosik wziyno, żeby tam dociepnōńć yno czerwōne i pōmarańczowe dodatki i wyszła mi z tego pōmidorōwka idealno 😉

Co potrza?

1,5 litra soku ze tomatōw- takich nojlepszych

2 mańsze bataty

2 markwie5

szklōnka czerwōnyj soczewicy

1 apfylzina6

1 cebula- ôna akurat niy bōła czerwōno, ale kebyjście mieli tako pod rynkōm… 😉

sōl i pieprz

połra gałōnzkōw bazylii

kapka oliwy dlo smaku

Do gorka wlyjcie sok, trocha oliwy, wciepcie tam ździebko7 soli, pieprzu i wrojście8 pokrōne9 na byle jake kōnski markwie, bataty i cebula. Niech sie to powarzi10, aż zmiynknōm wszyjske składniki (20-30 minut). Niyskorzi dejcie tam bazylia i zmiksujcie to jak kryjmzupa11. Gornek niech przidzie nazod12 na piec, wciepcie tam soczewica i ôna powinna być fertich13 za jake 10 minut. Na kōniec, jak już zupa bydzie wyłōnczōno, to wlyjcie tam sok wyciśniynty ze jednyj apfylziny. A terozki już yno… Smacznego 🙂

1obok

2pomidorów

3podobno

4powiedzić

5marchewki

6pomarańcza

7szczyptę

8włóżcie

9pokrojone

10pogotuje

11zupę krem

12z powrotem

13gotowa

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*