Wok- szok




Jołdło1 ze woka znojdymy nojpryndzyj2 we kuchni ze dalekego wschodu, choć joł musza Wōm pedzieć3, że lubia ta patelnia, bo kans4 sie do ni zmieści i je nojlepszo na dania eksperymyntalne. To, co sam mołcie5, niech bydzie dlo Wołs6 fajnym poczōntkym dlo swoigo eksperymyntowania 🙂

 

Co potrza?

30 dkg kury (joł żech mioł polyndwiczki)

3 marchwie

1 cukinia

1 cebula

1 łeżka masła klarowanego

2 łeżki oliwy

1 łeżeczka bazylii

1 łeżeczka oregano

pó łeżeczki czosku niydźwiedziego (abo jedyn wyciśniynty zōmbek)

pó łeżeczki wyndzonyj papryki

2 łeżki octu balsamicznego

sōl i pieprz

uprażōny sezam do posucia po wiyrchu

Pokrejcie7 kura na mańsze kōnski i podpiyczcie na maśle klarowanym. Pod kōniec wlyjcie tam tyż ocet balsamiczny, miyso bydzie miało ôd niego blank inkszy smak i farba. Potyn dolyjcie tam oliwy, dejcie pokrōno cebula, marchwie i jak sie cebula zeszkli, to dociepcie tyż cukinia i prziprawy. Niech sie to trocha powarzi, a jak cukinia bydzie takoł al dente (jeszcze niy do kōńca uwarzōno), to już sie mogecie brać za jedzynie… jeszcze yno trocha sezamu i smacznego 🙂

1dania

2najczęściej

3powiedzieć

4dużo

5macie

6Was

7pokrójcie




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*