Nolywka ze modych pyndōw sosny (Nalewka z młodych pędów sosny)

Kans¹ ludzi robi ze tych modych pyndōw syrop- zasypujōm to cukrym i ślywajōm² sok (choć szło by tyż pedzieć³ zŏft), kery⁴ sie niyskorzyj⁵ zebiere⁶. A jŏ żech sie pomyśloł, że narychtuja⁷ nolywka… we smaku je ôna spacyficznŏ, ale mŏ richtich⁸ fajnŏ farba i jak sie ji szlukniecie⁹, to chobyjście sie dychli¹⁰ we lesie pod kōniec czyrwca 😉

Co potrza?

litrowoł krauza¹¹ pyndōw ze sosny (choć niyftorzi by padali, że po ślōnsku sie ôna mianuje chojŏk)

pó litra szpyrytusu

pó szklōnki cukru

pó litra wody

Pyndy wciepcie¹² do krauzy, zalyjcie szpyrytusym i mogecie ô nich zapōmnieć. Jak Wōm sie za jake dwa miesiōnce spōmni¹³, to ślyjcie¹⁴ tyn szpyrytus do krauzy/flaszki, a na pyndy wysujcie¹⁵ cuker. Tera zajś¹⁶ przidzie trocha poczekać. Tyn syrop, kery¹⁷ sie zbiere, dolyjcie do szpyrytusu, pyndy wciepcie do gorka, wlyjcie tam woda i pod przikryciym powŏrzcie¹⁸ ze 5-10 minut (choć nojlepi, keby to było warzynie bez warzynia… żeby to bōło fest¹⁹ gorke²⁰, ale niy blukało²¹) i ôstŏwcie to, aż sie niy ochōdzi²². Niyskorzi²³ wymiyszejcie tyn wywar ze szpyrytusym, kery bōł pryndzyj zlōny, dejcie do flaszkōw, poczekejcie aby pŏra tydni i mogecie sie brać za degustacyjŏ. Prost!²⁴