Nolywka ze modych pyndōw sosny (Nalewka z młodych pędów sosny)

Kans1 ludzi robi ze tych modych pyndōw syrop- zasypujōm to cukrym i ślywajōm2 sok (choć szło by tyż pedzieć3 zŏft), kery4 sie niyskorzyj5 zebiere6. A jŏ żech sie pomyśloł, że narychtuja7 nolywka… we smaku je ôna spacyficznŏ, ale mŏ richtich8 fajnŏ farba i jak sie ji szlukniecie9, to chobyjście sie dychli10 we lesie pod kōniec czyrwca 😉

Co potrza?

litrowoł krauza11 pyndōw ze sosny (choć niyftorzi by padali, że po ślōnsku sie ôna mianuje chojŏk)

pó litra szpyrytusu

pó szklōnki cukru

pó litra wody

Pyndy wciepcie12 do krauzy, zalyjcie szpyrytusym i mogecie ô nich zapōmnieć. Jak Wōm sie za jake dwa miesiōnce spōmni13, to ślyjcie14 tyn szpyrytus do krauzy/flaszki, a na pyndy wysujcie15 cuker. Tera zajś16 przidzie trocha poczekać. Tyn syrop, kery17 sie zbiere, dolyjcie do szpyrytusu, pyndy wciepcie do gorka, wlyjcie tam woda i pod przikryciym powŏrzcie18 ze 5-10 minut (choć nojlepi, keby to było warzynie bez warzynia… żeby to bōło fest19 gorke20, ale niy blukało21) i ôstŏwcie to, aż sie niy ochōdzi22. Niyskorzi23 wymiyszejcie tyn wywar ze szpyrytusym, kery bōł pryndzyj zlōny, dejcie do flaszkōw, poczekejcie aby pŏra tydni i mogecie sie brać za degustacyjŏ. Prost!24

 

1dużo

2zlewają

3powiedzieć

4który

5później

6zbierze

7przygotuję

8naprawdę

9weźmiecie łyka

10wzięli głęboki oddech; odpoczęli

11słoik

12wrzućcie

13przypomni

14zlejcie

15wysypcie

16znów

17który

18pogotujcie

19bardzo

20gorące

21bulgotało

22ostudzi

23później

24na zdrowie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*