Za starego piyrwyj1 lipa kwitła we lipcu, terŏzki niyrŏz zrobi nōm wic2 i zakwitnie nawet we maju. W tym roku nawet udoło ji sie zahaczyć ô lipiec 😉
Uwielbiōm łajzić3 przi alejach lipowych, bo to sie czowiek moge richtich fajnie dychnōńć. Tyj4 ze lipy znōmy, to terozki czas na nolywka.
Co potrza?
litrowoł krauza5 kwiołtkōw ze lipy
2 szklōnki gorzołki6
0,5 szklōnki szpyrytusu
1,5 szklōnki wody
2 łeżki miodu
Pozbiyrejcie kwiŏtki ze lipy- pamiyntejcie, że tyn taki jasny listek tyż nŏleży do tego kwiŏtka. Mogecie je leko opōkać wodōm, chyba że pryndzyj zrobiōł to dyszcz, Potyn wciepcie je do krauzy i zalyjcie wymiyszanōm gorzołkōm ze szpyrytusym. Tera trza ô nich zapōmnieć, a jak Wōm sie za pŏra tydni spōmni7, to slyjcie te procynty do jaki flaszki, kwiŏtki wciepcie do gorka, zalyjcie wodōm i niech sie to trocha powarzi (choć nojlepi bez wrzynia, żeby niy pouciekały inksze skłŏdniki).
A jak to wszyjsko ochōdnie, przecedźcie tyn wywar, pomiyszejcie ze tymi zlōnymi procyntami, dejcie tam miōd i zajś trza by to odstawić, żeby sie przegryzło 😉 A potyn już yno… prost! 🙂
1dawniej
2dowcip
3chodzić
4herbatę
5słoik
6wódki
7przypomni
