Whitie- bioły brat brownie ;)


Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1748

Kedyjś szło już u Chopa poczytać słowa po łacinie, to terŏzki prziszoł czas i na angelski 😉

1 żech je w tyj drużynie, kero2 lubi bioło i ciymno szokolada, choć wiym, że niyftorym3 by nawet bez gardło niy przeszło, że ta jasnŏ to tyż je szokolada 😉

To bōł eksperymynt, ale musza Wōm pedzieć4, że bardzo udany… a jak do tego byjście dali tak ślagzana5 i świyże maliny abo i jake inksze leko kwaskowate owoce, to bydzie idealnie.

Co potrza?

200 g masła- ale pamiyntejcie, żeby je kupić na prōmocji 😉

200 g biołyj szokolady

4 jajca

100 g cukru

150 g mōnki

pyrszczka6 soli

Tych skłŏdnikōw je tak mało, że nawet Słōn Trōmbalski by je zapamiyntoł 😉

Masło i szokolada łozpuśćcie7 we kōmpieli wodnyj (miska na gorku ze wrzōncōm wodōm).

Jajca i cuker ubijcie- nojlepi jak mŏcie robota, bo dobrze, żeby to sie 5-8 minut ubijało, a co sie mŏcie8 trŏpić9 😉

Jak szokolada ze masłym ochōdnōm10, to dejcie je do ubitych jajec, a ku tymu przesiōnŏ mōnka i sōl.

Nim bydziecie to jakōm warzechōm miyszać, to sie łozgrzyjcie11 bratruła12 na 160 stopni.

Wymiyszane ciasto dejcie do tortownicy, a jōm do bratruły na 35-40 minut.

A niyskorzyj13 już yno…smacznego 🙂

1ja

2która

3niektórym

4powiedzieć

5bitą śmietanę

6szczyptę

7rozpuśćcie

8macie

9męczyć

10ostudzą się

11rozgrzejcie

12piekarnik

13później

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*