Kura we jogurtowyj marynacie

Tak narychtowane miyso idzie fajnie upic na grillu, ale tyż we bratrule¹ abo i na tyglu². Je³ ône bez ta marynata barzi delikatne we smaku, ale i fajnie soczyste. Nic yno sie brać za rychtowanie 🙂

Co potrza?

2 piersi ze kurczaka (abo mogecie tyż sam sie wziōńć filety ze podudziōw)

150 ml jogurtu (jŏ miołech grecki)

pŏra łeżek oliwy

gorść liści bazylii ( nojlepi je zmiksowac ze jogurtym)

zōmbek czosku

sōl i pieprz

Piersi pokrejcie we take wiynksze pŏski⁴ i wciepcie do jaki miski. Dodejcie ku tymu reszta skłodnikōw i ôdstŏwcie do lodōwki aby na pŏra godzin abo i całŏ noc.

Potyn już nōm ôstanōm yno grillowanie, pieczynie i inksze. Take jedzynie narychtujōm nawet ci, kerzy majōm dwie lewe rynce do warzynio 😉 Smacznego 🙂