Świnia we zōłzie oriyntalnyj (Wieprzowina na modłę dalekowschodnią)


Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1748

Zōłzy1 sojowyj to chyba żołdnymu2 niy trza dzisiaj przedstawiać, a olyj sezamowy niyrŏz idzie kupić nawet we ajnfachowym sklepie, kej3 majōm jaki azjatycki tydziyń. I tak mie tyż naszło na tyn recept4. Połra składnikōw i musza Wōm pedzieć, że nawet moja cera5 mie pochwolōła6, a wiycie, jak te bajtle7 lubiōm wydziwiać przi jedzyniu 😉

Co potrza?

1 kula ze szinki

połra8 łeżek zōłzy sojowyj

połra łeżek oleju sezamowego

2-3 zōmbki czosku

skōrka ze jednyj citrōłny9

sok ze poły citrōłny

ździebko pomelanego pieprzu

trocha mōnki do zagynszczynia zōłzy (jŏ żech doł kartoflanŏ)

Dziyń noprzōd10 zrōbcie ze wszyjskich składnikōw (bez mōnki) marynata i ôstŏwcie w ni te miyso bez noc. Na drugi dziyń przibrōnŏćcie szinka ze wszyjskich strōn na suchym tyglu11 (abo mogecie dać tyż trocha oleju sezamowego). Potyn przełōżcie miyso do brytfanki abo jakigo gorka, wlyjcie tam marynata i trocha wody i niech sie bez aby 2-3 godziny podusi na małym ôgniu. Niyskorzyj wyciōngcie szinka, zagyńście zōłza (dejcie trocha mōnki łozfyrlanyj12 we zimnyj wodzie) i idzie pedzieć, że mogecie sie już pomału brać za jedzynie 😉 Smacznego 🙂

1sosu

2nikomu

3gdy

4przepis

5côrka

6pochwaliła

7dzieci

8kilka

9cytryny

10wcześniej

11patelni

12wymieszanej

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*