Świnia we zōłzie oriyntalnyj (Wieprzowina na modłę dalekowschodnią)

Zōłzy¹ sojowyj to chyba żołdnymu² niy trza dzisiaj przedstawiać, a olyj sezamowy niyrŏz idzie kupić nawet we ajnfachowym sklepie, kej³ majōm jaki azjatycki tydziyń. I tak mie tyż naszło na tyn recept⁴. Połra składnikōw i musza Wōm pedzieć, że nawet moja cera⁵ mie pochwolōła⁶, a wiycie, jak te bajtle⁷ lubiōm wydziwiać przi jedzyniu 😉

Co potrza?

1 kula ze szinki

połra⁸ łeżek zōłzy sojowyj

połra łeżek oleju sezamowego

2-3 zōmbki czosku

skōrka ze jednyj citrōłny⁹

sok ze poły citrōłny

ździebko pomelanego pieprzu

trocha mōnki do zagynszczynia zōłzy (jŏ żech doł kartoflanŏ)

Dziyń noprzōd¹⁰ zrōbcie ze wszyjskich składnikōw (bez mōnki) marynata i ôstŏwcie w ni te miyso bez noc. Na drugi dziyń przibrōnŏćcie szinka ze wszyjskich strōn na suchym tyglu¹¹ (abo mogecie dać tyż trocha oleju sezamowego). Potyn przełōżcie miyso do brytfanki abo jakigo gorka, wlyjcie tam marynata i trocha wody i niech sie bez aby 2-3 godziny podusi na małym ôgniu. Niyskorzyj wyciōngcie szinka, zagyńście zōłza (dejcie trocha mōnki łozfyrlanyj¹² we zimnyj wodzie) i idzie pedzieć, że mogecie sie już pomału brać za jedzynie 😉 Smacznego 🙂