Szinka we koli (Szynka w coli)

Hamerykōny1 wymyślōły kola (cola), to i potyn prziszli do wymyślynia taki szinki. We Europie zrobiōła sie popularnoł, bo jōm narychtowała2 takoł angelskoł kuchara, a to, co sam3 znojdziecie4, to je chopskoł wariacja na tymat tego wciepowania5 świni do koli. Niy trza sie przi tym natrołpić6, a to, co potyn wjedzie na stōł, to fajne, arōmatyczne, rōżowe miyso z takim lekim słodkim posmakym.

Co potrza?

Szinka- jedna kula miysa

sōl do pyjklowania7 (jak niy chcecie pyjklować, to mogecie jōm zamoczyć we normalnyj soli, yno, że te miyso niy bydzie miało taki fajnyj farby8)

2 litry koli (joł tam biera normalno coca-cola, ale mogecie wziōńć i jakoł inkszoł, byle niy takoł bez cukru- z takōm to sie lepi dać pokōj9)

cebula

połra gojździkōw10

3 liście bobkowe11

połra ziorek ziela angelskego

1-2 łeżki mostrichu12

1-2 łeżki miodu

Sōl do pyjklowania ôzpuśćcie13 sie we wodzie, wciepcie tam szinka, a nojlepi wejście sie jeszcze szprica14 (takoł wiynkszoł kupicie za połra złoty we aptyce) i powciskejcie ta zalywa tyż rajn15. Styknie,16 jak sie to baje17 pyjklowało bez noc. Na drugi dziyń wyciōngcie18 ta szinka ze pyjklowania, opōkejcie19, wciepcie20 do gorka i zalyjcie kolōm. Dociepcie tam jeszcze gojździki, ziele angelske i liście bobkowe. Cebula przekrejcie21 na pó i przipołlcie22 jōm leko na piecu- jak do nudelzupy.

Tera niech sie ta nasza świnia trocha powarzi- aby godzina na 1 kg szinki.

Jak już bydzie fertich,23 to jōm wyciōngcie, posmarujcie po wiyrchu mostrichym zmiyszanym ze miodym i wrojście24 na 20 minut do bratruły25 ôzgrzōnyj na 200 stopni. Bez tyn czas mogecie sie ôdlołć26 trocha tyj koli, we ftoryj sie warzōła szinka i jōm ôdparować (zredukować). Jak sie zrobi fajnie gynstoł zōłza, to mogecie sie niōm27 potyn polołć miyso.

Jak sie nasza szinka trocha przibrōnołci28, to jōm wyciōngejcie i biercie sie za jedzynie. A co Wōm ôstanie29, to idzie zjejś na drugi dziyń na zimno na sznicie30 abo jaki bōłce31. Smacznego 🙂

Szinka we koli-małe

1Amerykanie; ō- samogłoska w wymowie między o i u

2przygotowała

3tutaj

4znajdziecie

5wrzucania

6napracować

7peklowania

8koloru

9dać spokój

10goździków

11laurowe

12musztarda

13rozpuśćcie; ô=ło

14strzykawka

15do środka

16wystarczy

17będzie

18wyjmijcie

19opłuczcie

20wrzućcie

21przekrójcie

22przypalcie

23gotowe

24włożcie

25piekarnika

26odlać

27

28przypiecze

29zostanie

30kromce

31bułce

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




4 Komentarze

Dodaj komentarz

Twój adres email nie zostanie opublikowany.


*