Nudelzupa ze baniōm (Rosół z dynią)

Niyrołzki¹ ôstanie² Wōm³ trocha rosołu ze niydzieli, a niy chcecie zajś⁴ jejś⁵ tego samego na mitag⁶, to tedy ôwdy mogecie sie na gibko⁷ narychtować⁸ nudelzupa ze baniōm. Choć rosołu zawsze lepi nawarzyć⁹ wiyncyj i dać go trocha do zamrażalki, bo receptōw z nim je kans, a przeca niy bydōmy go zawsze ekstra warzić.

Co potrza?

1 liter rosołu abo wywaru ze grincojgu¹⁰ (jak już żejście sōm richtich¹¹ zgniōli¹², to sie wejście taki wyrfel¹³…. aż niy wierza, że żech sam¹⁴ to napisoł 😉 )

0,5 kg bani

szklōnka mrożōnego zielōnego groszku

2 gorście¹⁵ nudli¹⁶

sōl i pieprz

To je tak ajnfachowe¹⁷, że nawet niy ma co pisać. Do gorka wlyjcie rosōł i dejcie¹⁸ pokrajano¹⁹ bania. Jak już trocha zmiynknie, to jōm pomiksujcie, wciepcie²⁰ do gorka dwie gorście nudli, szklōnka groszku, a za 10-12 minut mogecie²¹ sie brać za jedzynie. Nim nalejecie tyj zupy na talyrze, to pamiyntejcie, żeby jōm jeszcze dosmakować²². Smacznego 🙂