Niyrołz1 tak se czowiek myśli, że by zjołd2 cojsik inkszego3, a niy yno co tydziyń te same zestawy i wtedy ôwdy4 przido Wōm sie tyn recept5. Niy ma sam żołdnego strasznego wynołkwiania6, ale za to smak tyj zôłzy zapamiyntocie na dugo.
Co potrza?
1 kg piersi ze hańdyka (abo i udzika)
mały pynczek koperku
mały pynczek pietruszki
połra suszōnych grzibōw (nojlepi prawikōw)
sōl i pieprz
zōmbek czosku
połra łeżek oliwy
mōnka kartoflanoł do zagynszczynia zōłzy
150 ml śmiytōnki (nojlepi 30 %)
Hańdyka na noc posmarować oliwōm wymiyszanōm ze czoskym, solōm i pieprzym, ôbłożyć koperkym i pietruszkōm i… iś spać 
Na drugi dziyń przipiyc go na suchyj patelni, a potyn przeciepnōńć do brytfanki, dolołć trocha wody i dusić ze grzibami, koperkym i natkōm- tak aby ze dwie godziny na małym ôgniu. Potyn wyciōngcie miyso, zblyndujcie ta zōłza, dejcie dō ni jeszcze śmiytōnki (nojprzōd jōm zahartujcie, wlyjcie dō ni trocha zōłzy) i zagyńśćcie jōm mōnkōm (rozfyrlanōm7 we zimnyj wodzie). Jak już to sie wszyjsko uwarzi8, to mogecie jeszcze wszyjsko dosmakować, pokrajać miyso na plastry, wciepnōńć jeszcze na chwila do brytfanki i… Smacznego 
1czasem
2zjadł
3innego
4wówczas
5przepis
6wydziwiania
7roztrzepaną
8pogotuje
Dodaj komentarz