Niy ma co sam tera pisać elaboratōw1, ale bez jaki cufal2 wyszoł mi z tego richtich3 fajny recept4… i szlus5 😉
Co potrza?
1 kg kurczaka (joł żech mioł piersi, ale idzie tyż dać filety ze podudzi)
2-3 gorście6 listkōw bazylii
1 gorść listkōw limonki kaffir (abo skōrka ze citrōłny)
łeżka mostrichu/zynfu7
5 łeżek oliwy
5 łeżek oleju rzepakowego
pó szklōnki biołego wina (wytrawne abo pó wytrawne)
ździebko8 chili
zōmbek czosku
trocha mōnki do zagynszczynia zōłzy (joł zech doł ryżowo)
sōl i pieprz
Kurczaka we srogich9 kōnskach10 żech podpiyk na prawie suchyj patelni (yno ździebko oleju abo masła klarowanego do natłuszczynia i wtedy niy bydzie tak pyrskać11). Bazylia, liście limōnki, inksze12 prziprawy i wino zblyndujcie. Wciepcie to wszyjsko ze kurczakym do jakego gorka i niech sie to aby ze godzina pomału13 powarzi14. Na patelnia po podpiykaniu mogecie wlołć trocha wina, żeby zebrało te przilepiōne kōnski miysa i dolyjcie to niyskorzi15 do naszyj zōłzy.
Jak już miyso bydzie miynke, to je wyciōngcie16, zōłza mogecie trocha odparować i zagyńścić (mōnka rozrōbcie we zimnyj wodzie, wlyjcie do zōłzy i uwołrzcie). Terozki już yno ôstało17 jedzynie. Tako kura pasuje fajnie do klōzek18, nudli19 abo ryżu, choć joł żech jōm podowoł ze szałołtym20 ze brokuła i kartołfli21. Smacznego 🙂
1ō- samogłoska w wymowie między o i u
2przypadek
3naprawdę
4przepis
5koniec
6garście
7musztardy
8szczyptę, odrobinę
9dużych
10kawałkach
11pryskać
12inne
13powoli
14pogotuje
15później
16wyjmijcie
17zostało
18klusek
19makaronu
20sałatką
21ziemniaków
