Mule bez wydziwianio (Mule w sosie dość tradycyjnym ;) )

Jak żech sam połra¹ miesiyncy tymu wciep² mule ze wyndzōnkōm³ i śmietōnkōm, to niyftorzi krynciyli nosym, że a to we Hiszpanii, a to w jakim inkszym landzie⁴ robiōm je bez takich dodatkōw i sōm nojlepsze. Joł⁵ powia, że smakujōm trocha inaczyj, ale żebyjście sie niy myśleli, że Chop tych inkszych receptōw⁶ niy zno, to mołcie sam mule we barzi klasycznyj zōłzie.⁷ Niy myście⁸ sie, że to już koniec tych eksperymyntōw ze mulami- mōm jeszcze połra pomysłōw… 😉

Co potrza?

1 kg muli
1 cebula2 zōmbki czosku
pó⁹ szklōnki biołego wina
trocha masła klarowanego (1 łeżka)
2-3 łeżki oliwy (choć joł tam ji¹⁰ zawsze dom na oko 😉 )
natka pietruszki (aby pó pynczka)
pieprz (soli- jak dō mie- to wcale niy trza, bo przeca te mule sie całe życie moczōły we słonyj wodzie 😉 )

Wejście^¹¹ sie jako szczotka i kołżdo muszelka sie pod bieżōncōm wodōm fajnie opucujcie.^¹² Dejcie pozōr:^¹³ jak ftoro^¹⁴ muszla je otwartoł, to trza jōm wyczajś,^¹⁵ bo ta mula we środku je zdechniynto! Wczajście^¹⁶ do gorka trocha masła klarowanego, wciepcie^¹⁷ tam pokrōno^¹⁸ cebula, wyciśniynty czosnek i leko^¹⁹ zeszklijcie ta cebula. Pod kōniec dejcie tyż oliwy- niy lubi srogego hicu.²⁰ Tera wlyjcie wino- niech sie ze 2 razy bluknie,^²¹wciepcie poła²² pokrōnyj pietruszki, ździebko^²³ pieprzu i te mule. Przikryjcie gornek i niech sie przez 5 min powarzōm.^²⁴ W tym gorku mogecie je tyż od czasu do czasu pomiyszać- nojlepi poszelōntejcie²⁵ tym gorkym, to sie same pomiyszajōm. I jak już bajecie widzieć, że wszyske muszle sōm łotwarte, to mōmy to fertich.^²⁶
Kebyście na talyrzu potyn widzieli, że jako muszla je zawarto, ji^²⁷ lepi niy jydzcie, bo łona mogła tyż być już pryndzy^²⁸ zdechniynto. Nim zaniesiecie te nasze frutti di mare na stōł, posujcie je jeszcze natkōm pietruszki.