Polyndwiczki we marchwiowyj zōłzie (Polędwiczki w marchewkowym sosie)

Kebyjście¹ niy mieli pomysłu na niydzielny ôbiołd², a zmiyrzły już wōm sie rolady i kotlety, to polyndwiczki we delikatnyj marchwiowyj zōłzie³ bydōm dlo Wołs⁴ idealne. Robi sie to richtich⁵ gibko⁶ i je tak ajnfachowe⁷, że nawet kuchołrze bez talyntu dajōm sie rada.

Co potrza?

1 kg polyndwiczek wieprzowych

30 dkg marchwi

sok ze jednyj apfylziny⁸

połra listkōw limōnki kaffir abo ôtartoł skōrka ze citrōłny

ździebko⁹ potartyj gałki muszkatałowyj

ździebko chili i pieprzu

poła łeżek kurkumy abo jedyn kōnsek świyżyj- terozki idzie jōm kupić nawet w dyskōntach

trocha mōnki¹⁰ do zagynszczynia zōłzy

250 ml śmietōnki (moge być 18%)

 

Nojlepi zacznijcie sie to rychtować¹¹ dziyń naprzōd¹², to sie te miyso fajnie przegryzie. Pokrejcie¹³ polyndwiczki na mańsze¹⁴ kōnski¹⁵ (take na 5 cm bydōm¹⁶ idealne) i wciepcie do jaki miski abo brytfanki. Nalyjcie tam sok ze apfylziny, dajcie prziprawy i ôstołwcie¹⁷ na noc. Na drugi dziyń- abo jak niy mołcie¹⁸ tela czasu to za połra godzin, abo nojmani¹⁹ za jedna godzina- powyciōngejcie²⁰ te polyndwiczki ze marynaty i na leko natłuszczōnyj patelni przibrōnołćcie²¹ ze kołżdyj²² strōny. Potyn wciepcie do brytfanki, zalyjcie²³ marynatōm, wodōm, dejcie²⁴ marchew i niech sie to na małym ôgniu aby godzina popykoł²⁵. Niyskorzi wyciōngcie miyso, zblyndujcie marchew, dejcie śmiytōnka i keby²⁶ ta zōłza bōła za rzodkoł²⁷, to zagyńście jōm trocha mōnkōm ôzpuszczōnōm w zimnyj wodzie (2-4 łeżki mōnki na niycałoł szklōnka wody). Jak już zōłza bydzie fertich²⁸, mogecie jōm jeszcze dosmakować²⁹, wciepnōńć tam na chwila miyso i biercie sie za jedzynie. Do takego miysa pasujōm i klōski³⁰, i nudle³¹, a nawet ryż. Smacznego 🙂