Harynki choby po kaszubsku (Śledzie a la po kaszubsku)

Przi Godach¹ wziyno² mie na małe wynołkwianie³ śledziowe- przeglōndołech⁴ roztomajte⁵ recepty⁶, kōmbinowołech i tak żech prziszoł do tego, co sam widzicie na ôbrŏzku. I musza Wōm pedzieć⁷, że tyn smak mi tak przipasowoł, że na zicher⁸ byda do niego wrocoł. Niy wōniajōm⁹ jak śledzie, zōłza¹⁰ je fajnie arōmatycznŏ, leko słodkŏ… niy ma sie co łozpisywać¹¹, to trza ajnfach¹² narychtować 🙂

Co potrza?

500 g matiasōw

2 czerwōne cebule

10 suszōnych śliwek (nojlepi, żeby 5 bōło wyndzōnych)

pieprz

poła¹³ łeżeczki papryki słodkyj

połra¹⁴ liści bobkowych¹⁵

1 łeżeczka majerōnku

połra łozczaskanych we mojździerzu kulek ziela angelskego

5 łeżek kōncyntratu ze tōmatōw¹⁶

5 łeżek ôctu ze jabek abo winnego

5 łeżek oleju rzepakowego

5 łeżek oleju ze lnu

1 łeżka miodu

Harynki- co to idzie i na nie pedzieć¹⁷ śledzie- wypōkejcie¹⁸ i na noc zamoczcie we mlyku. Na drugi dziyń jeszcze rŏz je przelyjcie wodōm i wysuszcie papiyrowym ryncznikym. Na patelnia wlyjcie olyj rzepakowy i zeszklijcie na nim pokrōnŏ¹⁹ cebula. Niyskorzi²⁰ dociepcie tam prziprawy, pokrōne śliwki i kōncyntrat. Niech sie to trocha poprzipiykŏ²¹– tak pŏra minut. Potyn wyłōnczcie piec, dejcie ku tymu²² olyj ze lnu, miōd i pokrōne na mańsze²³ kōnski²⁴ harynki. Wymiyszejcie, wrojście do jaki krauzy²⁵ i skludźcie²⁶ do lodōwki. Niech sie aby dziyń poprzegryzŏ, a niyskorzi już yno smacznego 🙂

PS We lodōwce idzie to trzimać nawet ze 3 tydnie.