Szałołt ze pieczōnego bakłażana (Sałatka z pieczonym bakłażanem)

Zajś¹ mie² wziyno³ na te gruzińske klimaty. Choć tak po prołwdzie⁴, to tyn szałołt zrobiōłech⁵ do kury we ôrzechwyj zōłzie⁶ http://chopwkuchni.pl/?p=1185 i cuzamyn⁷ smakowało to richtich⁸ idealnie. Pieczōne bakłażany i papryka, a do tego surowe tōmaty⁹ i kans¹⁰ zielōw¹¹ moge nawet ze prostego pieczōnego miysa abo ryby zrobić eleganckoł biysiada.

Co potrza?

1 kg bakłażana

1 kg tōmatōw

2 żōłte papryki

2-3 zōmbki czosku

1 czerwōnoł cebula abo szalotka (ale ta wiynkszoł)

łeżka ôctu balsamicznego

poła¹² łeżeczki cukru

mały pynczek¹³ koperku

mały pynczek natki pietruszki

1/3 szklōnki ôleju rzepakowego

4-5 łeżek oliwy

sōl i pieprz

Bakłażana pokrejcie¹⁴ w kostka i posujcie¹⁵ solōm. Za jake 20 minut mogecie go opōkać¹⁶ i wciepnōńć¹⁷ na posmarowanoł ôlejym patelnia. Jak już sie leko przibrōnołci¹⁸, to baje¹⁹ dobry. Ze paprykōm zrōbcie to samo. Cebula tyż pokrejcie we kosteczka i na chwila zamarynujcie ôctym- mogecie do tego wciepnōńć trocha cukru. Koperek i pieruszka zmiksujcie ze ôlejym, oliwōm i jednōm małōm tōmatōm na jednolitoł zōłza. Dosmakujcie²⁰ jōm solōm i pieprzym. Tōmaty ôbiercie ze skōry (nojprzōd nojlepi je zalołć²¹ na chwila wrzōntkym) i pokrajcie. Wszyjske składniki wczajście²² do jaki srogyj²³ miski, wymiyszejcie i smacznego 🙂