Zupa ze tomatōw i apfylziny (Zupa pomidorowo-pomarańczowa)

To je¹ zupa, kero² mogecie³ bez lato zrobić ze świyżych tōmatōw⁴, a bez zima bydzie⁵ to nojlepsze spōmniynie⁶ lata. Je fajnie arōmatyczno, gibko⁷ sie jōm robi, a do tego mogecie trocha poszpanować, jak przidzie do Wołs bezuch⁸ i zaserwować im zupa ze apfylzinōm⁹– keby¹⁰ Wōm sie chciało, mogecie jeszcze jōm przistroić takim małym ślizykym¹¹ apfylziny.

 

Co potrza?

750 ml przeciyru ze tōmatōw (mogecie go zrobić ze 1kg tomatōw abo yno odkryńcić flaszka z gotowym 😉 )

1 szklōnka soku ze apfylzinōw (nojlepi sami sie go wyciście)

1 cebula

2-3 łeżki oliwy

sōl i pieprz

łeżeczka czubrycy (jak ji niy mołcie¹², to sie łeba niy urywejcie 😉 )

połra listkōw ze limōnki kaffir (jak niy mołcie, mogecie wycisnōńć trocha citrōłny)

2 gałōnzki natki ze selera

2 gałōnzki lubczyku

połra łeżek słōnecznika do posucia¹³ po wiyrchu

połra łeżek jogurtu greckego

 

Na oliwie zeszklijcie pokrōno¹⁴ cebula, do tego wlyjcie¹⁵ przeciyr, sok i prziprawy. Lubczyk i natka ze selera wciepcie¹⁶ w całojści, a potyn przed podaniym zupy mogecie to wytrzajś¹⁷. Niech sie to chwila powarzi¹⁸ i… fertich¹⁹. Po wiyrchu²⁰ mogecie to posuć uprażōnym na suchyj patelni słōnecznikym i dać łeżka jogurtu. Richtich gibko sie to robi, a potyn yno kans²¹ dobroci. Smacznego 🙂