Karbinadle (Kotlety mielone z niespodzianką)




Kajś1 żech przeczytoł, że za starego piyrwy2 robiyli karminadle3 ze miysa i śledzia- możno bez to, że ślydź bōł4 tōńszy5 ôd6 miysa, a gymbōw do wyżywiynia bōło kans7. Tak żech sie pomyśloł: jako to moge smakować… i trza bōło sie to aby rołz narychtować8. Take karminadle ze śledziym nazywajōm sie pōnojś karbinadle. Smakujōm dojś9 specyficznie i jak fto niy lubi śledzi, to niech sie nawet za nie niy chyto10. To taki kōnsek11 historyji na talyrzu.

Co potrza?

0,5 kg mielōnego miysa- moge być wieprzowo-wołowe abo same wieprzowe

1 płat słōnego śledzia

trocha mlyka do zamoczynia śledzia

jajco

cebula

czosnek

staro żymła12 (zamoczōno we wodzie abo mlyku), a jak niy mołcie żymły, to dejcie13 3 łeżki14 tartyj bōłki

sōl i pieprz

łeżeczka majeranku

trocha pokrōnyj natki pietruszki

łeżeczka mostrichu15

tarto bōłka do obtoczynia klopsōw

olyj16 do smażynio

Śledzia zamoczcie we mlyku- aby17 na godzina. Potyn go zmielcie ze miysym- abo, jak już miyso mołcie pomelane18 u masołrza19, mogecie go zblyndować. Miyso, śledzia, pokrōno cebula, wyciśniynty czosnek, wyciśniynto ze wody żymła, jajco i prziprawy wciepcie do jaki miski i wymiyszejcie. Potyn20 ukulejcie sie take spłaszczōne kulki, ôbturlejcie w tartyj bōłce i wciepcie na rozgrzōno patelnia. Upiyczcie21 na złoty kolor i fertich22. Smacznego:)

 

1gdzieś

2dawniej

3kotlety mielone

4ō- samogłoska w wymowie między o i u; był

5tańszy

6ô= ło

7dużo

8przygotować

9dość

10łapie

11kawałek

12bułka

13dajcie

14łyżki

15musztardy

16olej

17choć

18zmielone

19rzeźnika

20później

21upieczcie

22gotowe




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*