Baumkuchyn (Sękacz)

Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1931

Warning: Undefined array key "sfsi_plus_riaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1932

Warning: Undefined array key "sfsi_plus_inhaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1933

Kedyjś¹ żech sie myśłoł, że sękacz to je nojbarzi² polske ciasto na cołkim świecie. Ôstatnio³ żech trocha posznupoł⁴ po internecie i sie ôkołzało⁵, że wszyjske kraje dookoła majōm⁶ swoje wersje tego ciasta, a tyn nojstarszy recept⁷ prziszoł pōnojś⁸ z Niymiec. Dugo ciōngło⁹ mie do tego, żeby sie takego sękacza abo baumkuchyn narychtować¹⁰ na blasze. Normalnie to sie go krynci na rożnie na srogim¹¹ drōngu. Tyn recept to je połōnczynie sękacza i baumkuchen- tyn drugi ja normalnie barzi marcypanowy. Wyszło richtich¹² fajnie i wcale sie tego dugo niy rychtuje.

Co potrza?

250 g masła

1 szklōnka cukru

7 jajec

1 szklōnka mōnki pszynnyj

1/2 szklōnki kartofylmyjlu¹³

2 łeżeczki proszku do pieczynioł

1/2 keliszka rumu abo jaki nalywki ze apfylzinōw¹⁴

100 g mielōnych mandli¹⁵

ździebko¹⁶ soli

Ôddzielcie biołka ôd żōłtek. Żōłtka zmiksujcie ze masłym i cukrym (niyftorzi¹⁷ by to kołzali¹⁸ uciyrać, ale na to żech je za zgniōły¹⁹). Potyn dociepcie tam mōnki, mandli, proszku i dolyjcie sznapsa²⁰. A na kōniec przidzie ubito na sztywno piana ze biołek (dejcie²¹ dō ni ździebko soli).

Terozki nojważniyjsze- pieczynie. Jo mōm bratruła²², kaj²³ je opcja grill i jak tam je regulacja ôd 1 do 5, to żech to robiōł na 2 (3 bōło trocha za mocno). Yno piyrszo warstwa nojlepi zrobić ze podgrzywaniem ze wiyrchu i dołu- tak na 180 stopni.

Wejźcie sie jako sztyrogato²⁴ blacha, wyłōżcie papiōrym abo wysmarujcie masłym, nalyjcie ciynko warstawa ciasta i wrojście do bratruły podrzywanyj ze wiyrchu i spodku. Tak ze 5-7 minut bydzie musiało tam posiedzieć, ale musicie cołki czas wachować²⁵, żeby sie za mocno niy przibrōnołciōło²⁶. Jak bydzie fajnie przipieczōne, to wyciōngcie, nalyjcie zajś ciynko warstwa ciasta i nazod do bratruły, ale terozki już yno grzōnie ôd gōry. Jak za połra minut (ok. 4-5) bydzie przibrōnołcōne, to zajś przidzie nastympno warstwa i tak do samego kōńca. Niy je to za kans²⁷ skōmplikowane i myśla, że dołcie sie rada. A jake maszkycynie potyn bydzie… Smacznego 🙂