Chop prōbuje: Kiszōnoł kapusta




Nojlepi sie jōm narychtować1 samymu, ale niyrołz2 je tak, że miyszkōmy w bloku, niy mōmy pywnicy, we miyszkaniu za ciepło i czowiek skołzany je3 na kupowanie. Insze4 przipadki sōm tyż zwiōnzane5 ze lynistwym, ale tego ciōngnōńć6 niy byda7.

Na test biera8 kapusta ze Biedrōnki i Lidla, bo akurat te sklepy mōm niydaleko chałpy i myśla, że je kans ludzi, kerzy właśnie tam kupujōm.

Mōm sam yno jedna kapusta ze Biedrōnki (Swojska Chata), choć majōm tam jeszcze takoł we 500gramowych bojtlach9, ale je na ni napisane „Kapusta kwaszōna”, a jo chyba mōm uczulynie na te miano10– choć w składzie miała yno kapusta i sōl.

Dwie inksze sōm ze Lidla, a musza Wōm pedzieć11, że jak żech kedyjś na takim handelku niydaleko moji chałpy prōbowoł chyba wszyjskich kapustōw, jake tam te bałery12 sprzedowali, to te sklepowe wcale niy sōm gorsze, a w jednym przipadku nawet lepsze ôd tamtych.

To biera sie za robota:

Produkt Waga i cyna Smak Ocyna (od 1 do 5)
Ryneczek Lidla

Kapusta kiszona

800 g

3,29 zł

Z niōm trocha jak z totolotkym- niyrołz kupisz i bydzie idealno, a zdarzōło mi sie kupić i zarozki wyciepnōńć abo zjejś tako średnio we smaku. Wiym, że to rōżne partie mogōm być, ale chyba im tyn majster od kiszynio niyrozki szwankuje. 2
Swojska Chata

Kapusta kiszona

(Biedronka)

1000 g

4,99 zł

Fajnie kwaśnoł, troszka tyż chrupie, dużo wody we tym wiaderku i bez to idzie jōm dużi potrzimać we lodōwce i sie niy zepsuje. Troszka mi yno w smaku przeszkadzoł taki leki posmak starojści 😉 4
Charsznicka

Kapusta kiszona

(Lidl)

750 g

7,99 zł

(1 kg za 13,32 zł)

niystety je drogoł 🙁

Jak żech jōm kupiōł, to za kołżdym razem bōła idealnoł. Fajnie kwaskowato, niy za miynko, jak swojsko. Jak bajecie jōm kupować, to uważejcie, żeby Wōm sie we tasi13 niy przewrōciōła, bo moł14 tako dziōrka, żeby luft15 dō ni dochodziōł i moge Wōm sie wylołć i sie zmarnować ta kwaśnoł woda. 5

1przygotować

2czasem

3jest

4inna

5związane

6ciągnąć

7będę

8biorę

9woreczkach

10nazwę

11powiedzieć

12rolnicy

13torbie

14ma

15powietrze




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*