Ryba we grzibowyj zōłzie (Ryba w grzybowym sosie)




Jak żech pedzioł,1 jake danie chca narychtować, to moja Kobiyta2 trocha krynciōła3 nosym, ale jak już to miała na talyrzu, to zaroski4 zmiyniōła zdanie. Ryba je delikatnoł, a do tego arōmatyczne grziby we śmiytōnkowyj zōłzie… pycha- no, chyba że ftojś5 niy lubi rybōw 😉

Co potrza?

1 kg ryby – joł żech doł dorsza, ale mōgłyby sam być i inksze zorty6

dwie gorście7 suszōnych grzibōw- nojlepi prawdziwkōw

1 srogoł8 cebula abo 2 mańsze

2 łeżki masła klarowanego

150 śmietōnki

łeżeczka tymianku

łeżeczka majeranku

pieprz i sōl

natka pietruszki

trocha mōnki kartoflanyj do zagynszczynia zōłzy

Grziby opukejcie9 i uwołrzcie10– dejcie11 ale yno tyla wody, coby przikrōła grziby.

Na maśle zeszklijcie pokrōnoł12 cebula, dodejcie ryba, pokrōne grziby razym ze tym wywarym i prziprawy. Ta ryba potrzebuje yno połra minut i bydzie fertich. Pod kōniec przidzie jeszcze śmiytōnka, ale nojlepi jōm pryndzyj13 trocha zahartōwac tōm zōłzōm, żeby nōm sie niy zetła14. Keby Wōm sie ta nasza zōłza razym ze śmiytōnkōm zdała15 trocha za rzołdko, to mogecie rozfyrlać16 we zimnyj wodzie trocha mōnki (pszynnyj, kartoflanyj abo i ze majsu17) i jōm zagyńścić. Pod kōniec jeszcze rołz mogecie jōm trocha doprawić i smacznego. Joł żech jōm jołd ze dzikim ryżym, ale tak po prołwdzie18 to sam bydzie wszyjsko fajnie ku tymu19 pasować.

1powiedziłem

2Żona

3ō- samogłoska w wymowie między o i u

4zaraz

5ktoś

6odmiany

7garście

8duża

9opłuczcie

10ugotujcie

11dodajcie

12pokrojoną

13wcześniej

14ścięła

15wydała

16rozmieszać

17kukurydzy

18naprawdę

19do tego




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*