Grillowane wōsztliki i włoski szałołt




W taki dugi weekynd to fto yno poradzi1, tyn grilluje.  A jak na grill wciepniecie2 konsek wôsztu3, to żeby tak sōm4 niy leżoł potyn5 na talyrzu6, przido7 Wōm sie jaki szałołt8. Joł tam sie lubią tyż pogrillować i w dōma9, na gyburtstag10 żech kedyjś dostoł11 tako grillowo patelnia i to je richtig12 co dobrego. Nierozki13 czowiek chce,  żeby jak nojpryndzy14 jedzynie wylōndowało15 na talerzu. I wtedy przidajom się take gotowe biōle wōsztliki16. Niyftorzy pedzōm17,  że tam dużo chymi18, ale jakbyjście tak po prołwdzie19 chcieli sie zjejś20 zdrowego wōszta, to trza by sie ufutrować jakego wieprzka21, a potyn sie zrobić świniobicie22. Ale jak sie niy mo co sie lubi…choć joł23 tam te wōsztliki lubia.

Co potrza?

wōsztliki- sam wybōr je srogi24
tōmaty25
mozarella- jedna na 3-4 tomaty
liście bazylii
oliwa
łocet26– moge być tyż trocha soku ze citrōłny27
sōl i pieprz

Wôsztliki na grilla abo na patelnia grillowo. Jak mołcie28 mocno empfintlich29 żołōndek30, to te tomaty się opołrzcie i łobiercie31 ze skōry.  Pokrejcie32 je, pokrejcie tyż ta mozarella, listki mogecie potargać na małe kōnski, pokroć abo i wciepnōńć33 take w całojści.  Doprołwcie34 sie to solōm, pieprzym, oliwōm, łoctym, abo i tym sokym ze citrōłny. Wōsztliki już bydôm35 upieczōne, szałołt na stōł, trocha jaki bōłki abo chleba i siadocie36 do jedzynia. Smacznego 🙂

Wusztliki i włoski szałołt

1potrafi

2wrzucicie

3kawałek kiełbasy

4sam

5nie leżał później

6talerzu

7przyda

8sałata

9domu

10urodziny

11kiedyś dostał

12naprawdę

13czasem człowiek

14najprędzej

15wylądowało

16białe kiełbaski

17niektórzy powiedzą

18chemii

19na prawdę

20zjeść

21utuczyć jakiegoś świniaka

22nagłe pozbawienie świni życia, związane z jej konsumpcją 😉

23ja

24duży

25pomidory

26ocet

27cytryna

28macie

29wrażliwy

30żołądek

31oparzcie i obierzcie

32pokrójcie

33wrzucić

34doprawcie

35będą

36siadacie




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*