Hańdyk ze szampiōnym (Indyk z pieczarką)




Chcielibyjście gibko1 narychtować ôbiołd? To tyn recept2 bydzie do Wołs.

 

Co potrza?

 

500 g hańdyka (jŏ żech doł polyndwiczki)

500 g szampiōnōw3

1 cebula (jŏ mioł szalotka)

łeżeczka tymianku

poła4 łeżeczki czosku niydźwiedziego abo 1 wyciśniynty zōmbek

150 ml śmietōnki (nojlepi 30 %)

łeżka mōnki kartoflanyj5 do zagynszczynia zōłzy

sōl i pieprz

łeżka masła klarowanego

Pokrejcie6 hańdyka na mańsze7 kōnski8 i wciepcie9 na patelnia. Jak już sie trocha podpieke, to dejcie10 tam masło, prziprawy i pokrōno cebula. Kedy cebula sie leko11 zbrōnołci12, wrojście pokrōne na wiynksze kōnski szampiōny. Jak puszczōm woda, mogecie ji trocha zebrać i dać do śmietōnki, żeby jōm leko zahartować. Terozki wlyjcie na patenia śmietōnka, mogecie dać tyż trocha wody i jak sie to zawarzi, mogecie jeszcze trocha zagyńścić ta zōłza mōnkōm łozrobiōnōm13 we zimnyj wodzie. Dosmakujcie i za połra minut mogecie sie brać za jedzynie. Tako zołza bydzie idealno do klōzek, nudli, krupōw i blank14 normalnyj żymły15.

1szybko

2przepis

3pieczarek

4pół

5ziemniaczanej

6pokrójcie

7mniejsze

8kawałki

9wrzućcie

10dajcie

11lekko

12przypiecze

13rozrobionom

14całkiem

15bułki




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*