Mule bez wydziwianio (Mule w sosie dość tradycyjnym ;) )

Jak żech sam połra1 miesiyncy tymu wciep2 mule ze wyndzōnkōm3 i śmietōnkōm, to niyftorzi krynciyli nosym, że a to we Hiszpanii, a to w jakim inkszym landzie4 robiōm je bez takich dodatkōw i sōm nojlepsze. Joł5 powia, że smakujōm trocha inaczyj, ale żebyjście sie niy myśleli, że Chop tych inkszych receptōw6 niy zno, to mołcie sam mule we barzi klasycznyj zōłzie.7 Niy myście8 sie, że to już koniec tych eksperymyntōw ze mulami- mōm jeszcze połra pomysłōw… 😉


Co potrza?

1 kg muli
1 cebula2 zōmbki czosku
9 szklōnki biołego wina
trocha masła klarowanego (1 łeżka)
2-3 łeżki oliwy (choć joł tam ji10 zawsze dom na oko 😉 )
natka pietruszki (aby pó pynczka)
pieprz  (soli- jak dō mie- to wcale niy trza, bo przeca te mule sie całe życie moczōły we słonyj wodzie 😉 )

Wejście11 sie jako szczotka i kołżdo muszelka sie pod bieżōncōm wodōm fajnie opucujcie.12 Dejcie pozōr:13 jak ftoro14 muszla je otwartoł, to trza jōm wyczajś,15 bo ta mula we środku je zdechniynto! Wczajście16 do gorka trocha masła klarowanego, wciepcie17 tam pokrōno18 cebula, wyciśniynty czosnek i leko19 zeszklijcie ta cebula. Pod kōniec dejcie tyż oliwy- niy lubi srogego hicu.20 Tera wlyjcie wino- niech sie ze 2 razy bluknie,21 wciepcie poła22 pokrōnyj pietruszki, ździebko23 pieprzu i te mule. Przikryjcie gornek i niech sie przez 5 min powarzōm.24 W tym gorku mogecie je tyż od czasu do czasu pomiyszać- nojlepi poszelōntejcie25 tym gorkym, to sie same pomiyszajōm. I jak już bajecie widzieć, że wszyske muszle sōm łotwarte, to mōmy to fertich.26
Kebyście na talyrzu potyn widzieli, że jako muszla je zawarto, ji
27 lepi niy jydzcie, bo łona mogła tyż być już pryndzy28 zdechniynto. Nim zaniesiecie te nasze frutti di mare na stōł, posujcie je jeszcze natkōm pietruszki.

Do tego nojlepszo baje bagietka, bo niōm sie idzie fajnie tōnkać29 we zōłzie30… smacznego 🙂

 

Mule bez wydziwiania- małe

 

1 kilka

2 wrzucił

3 boczkiem wędzonym

4 kraju

5 powiem

6 przpisów

7 sosie

8 myślcie

9 pół

10 jej

11 proszę wziąć

12 oczyśćcie

13 uważajcie

14 któraś

15 trzeba ją wyrzucić

16 dajcie

17 wrzućcie

18 pokrojoną

19 lekko

20 wysokiej temperatury

21 zabulgocze

22połowę

23 trochę

24 pogotują

25 wstrząśnijcie

26 gotowe

27 jej

28 wcześniej

29 zamoczyć

30 sosie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*