Kaczka imbirowo-sojowoł (W tłumaczeniu dziś nie poszaleję ;) )

Dzisiej po chałpach1 to sie jy2 przeważnie yno kury i świnie, niyrołz3 ftojś sie narychtuje4 hańdyka5, a przeca6 we sklepach tyla dobroci. Jeszcze połra lołt7 tymu to bōł8 problym, żeby kupić kajś9 gańś10, krōlika abo kaczka, a dzisiaj idzie je trefić nawet w tych nojbarzi ajnfachowych11 sklepach. I bez12 to trza z tego korzystać, bo przeca takoł pierś ze kaczki- jeszcze jak sie trefi na jakoł promocja- to nawet niy je droższoł łod tyj hańdykowyj, a zawsze mōmy jakejś urozmajcynie. Mie ta kaczka natchła tak jakojś na modła chińsko, ale musza pedzieć13, że bōła richtig14 dobro, a do tego niy trza sie przi ni15 narobić.

Co potrza?

1 pierś ze kaczki

5 łeżek zōłzy16 sojowyj*

5 łeżek łoleju17 sezamowego

trocha potartego imbiru (we Pszczynie na niego gołdajōm zezwōr)

pieprz

ze 2 łeżki mōnki pszynny do zagynszczynia zōłzy

*Kebyjście niy mieli takego łoleju, to sprōbujcie sie zrobić cojś takego: wejście sie 5 łeżek nasiōn sezamu i zetrzyjcie je ze 5 łeżkami oliwy na gładkoł masa (blynderym), a dali wszysko rōbcie, jak we recepcie- chyba, że ta Wasza zōłza bydzie trocha za gynstoł, to do duszynia tyj kaczki we brytfance wlyjcie tam kapka wody.

Nojlepi kebyjście18 mogli dać ta zōłza sojowoł, łolyj i imbir do tyj kaczki dziyń pryndzyj (zamarynować), żeby sie to wszysko fajnie przegryzło, ale jak niy mołcie tela czasu, to styknie i godzinka- przeca sie łeba niy urwiymy19 skuli20 jedzynia. Nojlepi to wszysko wrajzić21 do jaki brytfanki, bo tam tyż bydymy ta kaczka potyn22 godzina abo i trocha dużi23 dusić na małym łogniu. Niyskorzi24 rozgrzyjcie sie piekarnik na 200 stopni i wrojście tam sama pierś (bez zōłzy) na 15-20 minut, żeby spiykła ji25 sie skōrka i bōła fajnie chrupiōnco. Bez tyn czas mogecie rozfyrlać26 sie trocha mōnki w jaki szolce27 i zagyńścić tym zōłza we brytfance. Tak po prołwdzie to nasza kaczka je już fertich i idzie sie brać za jedzynie.

Tak samo mogecie tyż zrobić kaczka w całojści, yno wtedy trza dać trocha wiyncyj tych dodatkōw do zōłzy. Do taki imbirowo-sezamowyj (abo zezwórowo-sezamowyj 😉 ) kaczki to mogecie sie zjejś klōski, ryż, nudle abo i jako fajno bōłka. Smacznego 🙂

Kaczka imbirowo-sezamowoł 2- małe

1domach

2je

3czasem

4przygotuje

5indyka

6przecież

7kilka lat

8był, ō- samogłoska w wymowie między o i u

9gdzieś

10gęś

11zwykłych

12przez

13powiedzieć

14naprawdę

15niej

16sosu

17oleju

18gdybyście

19nie będziemy się zadręczać 😉

20z powodu

21włożyć

22późńiej

23dłużej

24później

25jej

26roztrzepać

27kubku

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *