Karminadle ze kurōm i kaszōm (Klopsiki drobiowe z kaszą)

Chciołech na mitag1 narychtować2 cojsik inkszego3– bez kartołfli4, bo to sie potyn czowiekowi zdo5, że sie nawet trocha odchudzo. I jak żech narychtowoł take karminadle i my je ze Babōm6 zjedli ze kiszōnōm kapustōm, to… i tak my sie nazarli7 😉 W smaku sōm8 richtich9 fajne i do tego gibko10 sie je robi. Take karminadle, abo nawet idzie pedzieć11 karminadelki, to fajnie by tyż wyglōndały na jakim fajerze12 na przegryzka13.

 

Co potrza?

500 g mielōnego miysa ze kurczaka

1 szolka14 (tako na kafyj) kaszy bulgur- moge być tyż jakołś inkszo, yno, że ze tōm15 je nojmani16 roboty

3 łeżki majōnezu

1 jajco

1 łeżka czubrycy (kebyjście ji niy mieli, to mogecie tyż dać np. ziela prowansalske, bydzie smakowało inakszy, ale przeca my sie niy bojymy eksperymyntōw przi warzyniu17)

1 łeżeczka pasty paprykowyj (moge być tyż łeżeczka papryki suszōnyj, yno, żeby niy bōła za ôstroł18)

tarto bōłka

sōl i pieprz

ôlyj do pieczynia (a nojlepi, kebyjście mieli kokosowy, bo je nojzdrowszy i niy robi sie z niego… takoł srogo opōna 😉 )

 

Kasza bulgur zalyjcie 2 szolkami wrzōntku we jakim gorku, przikryjcie i za 15 minut baje fertich19.

Miyso ze prziprawōma i jajcym wciepcie do miski, dociepcie kasza i fajnie wymiyszejcie. Ukulejcie20 małe karminadle, pokulejcie21 je trocha we tartyj bōłce i wciepcie na patelnia ze rozgrzōnym ôlejym. Jak już sie fajnie przibrōnołcōm22, to je wyciepcie23 na jaki talyrz ze ryncznikym papiyrowym, żeby tyn fet24 w niego wciōngło i mogecie sie brać za jedzynie. Kebyjście chcieli, to mogecie je zjejś i ze karołflōma. Smacznego 🙂

Karminadle ze kaszom-małe

 

 

 

1obiad

2przygotować

3innego

4ziemniaków

5zdaje

6żoną, ō- samogłoska w wymowie między o i u

7najedli 😉

8

9naprawdę

10szybko

11powiedzieć

12imprezie

13przekąska

14filiżanka

15

16najmniej

17gotowaniu

18ô= ło

19gotowa

20uformujcie

21obtoczcie

22przypieką

23przełóżcie

24tłuszcz

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *