Harynki ze jabkym (Sałatka śledziowa z jabłkiem)

Harynki, choć niyftorzi1 na nie gołdajōm2 śledzie, sōm3 zdrowe i werciōło4 by sie je jejś5 niy yno6 skuli7 postu. Jo żech prziszoł na tyn recept8 bez cufal9 i musza pedzieć10, że jabka idealnie pasujōm11 do śledzi, a jak do tego dodōmy12 ździebko13 koperku i jogurtu, to sie już nōm robi przegryzka14 choby15 do jakego grołfa16.

Co potrza?

40-50 dkg harynek

3 jabka

trocha soku ze citrōłny17

1 cebula

2 łeżeczki cukru

1 łeżka ôctu18

łeżka pokrōnego19 koperku

3-4 łyżki jogurtu greckego

trocha pieprzu

Harynki żech kupiōł we ôleju- joł wie, żech je niyrołz20 zgniōły21, ale jakby sie Wōm chciało, to mogecie i bez całoł noc moczyć solōne śledzie we wodzie abo mlyku. A jak już je bydziecie22 mieć wymoczōne, to mogecie sie brać dali za robota. Cebula pokrejcie we kostka , wciepcie23 do jaki miski, posujcie24 cukrym i kapnijcie na nia ôctu- za chwila puści sok i baje25 miała całkym inakszy26 smak. Jabka tyż pokrejcie we kostka, przeciepcie do miski i polyjcie sokym ze citrōłny, co by niy ôczorniały27. Pokrajane na mańsze28 kōnski29 harynki niech sie przefurgnōm30 do jabek, dołōżcie do tego ta cebula, kero fajnie puściōła sok, pieprz, jogurt, wymiyszejcie i fertich31. Take śledzie mogecie sie zjejś na ôbiołd32 ze kartołflōma33 abo i podać na przegryzka na jakim fajerze34. Smacznego 🙂

1niektórzy

2mówią

3są; ō- samogłoska w wymowie między o i u

4opłacało

5jeść

6tylko

7z powodu

8przepis

9przypadek

10powiedzieć

11pasują

12dodamy

13trochę

14przekąska

15jakby

16hrabiego

17cytryny

18ô= ło

19pokrojonego

20czasem

21leniwy

22będziecie

23wrzućcie

24posypcie

25będzie

26inny

27ściemniały

28mniejsze

29kawałki

30przefruną

31gotowe

32obiad

33ziemniakami

34imprezie

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *