Torta ze szinkōm (Tort z szynką)

Na samym poczōntku1 powiym, że ta torta je2 bez cukru i tak barzi3 mogecie4 jōm dać na przistawka, niż do kawy. A wszyjsko5 sie wziyno6 z tego, że moja Kobiyta7 padała8, że ôna9 bez post niy bydzie10 jadła słodkego. A jak sie bez11 tyn czas trefi Chopowi12 gyburtstag13, to już po ptokach. A że tyn ôd ni Chop – jak już żejście mogli sie niyrołz prziś do tego14– jōm bestwi15, to wymyśłōł torta, kero16 i ôna mōgła zjejś. Co słodkego tyż bōło… ze kokosym- bo ôna go niy lubi 😉

Co potrza?

Biszkopt:

6 łeżek mōnki pszynnyj razowyj (jak byjście ji17 niy mieli, to mogecie dać takoł barzi zmielōnoł)

6 jajec

2 łeżeczki proszku do pieczynioł

Kryjma18 driny19:

15 dkg szinki

3 uwarzōne na twardo jajca

pynczek radiskōw20

3 łeżki majōnezu

trocha sznitlochu21

pieprz

Kryjma na wiyrchu22:

1 syrek maskarpōne

połra gałōnzkōw bazylii

150 ml śmiytōnki23 krymōwki

sōl i pieprz

Do strojynia24:

100 ml śmiytōnki

małe tōmaty25

zielōny ôgōrek

Nojprzōd sie bierymy26 za biszkopt- nojlepi dziyń pryndzyj27. Joł żech go robiōł ze mōnkōm razowōm, bo je zdrowszoł i dała tyż tyj naszyj torcie inkszy smak. Yno28 musicie pamiyntać, że ta mōnka je ciynżkoł29 i tyn biszkopt Wōm tak niy wyrojśnie.

Żōłtka ôddzielcie ôd biołek. Biołka ubijcie (dejcie dō nich ździebko30 soli), potyn na małych ôbrotach miksera dejcie31 żōłtka. Mōnka i proszek wmiyszejcie do tyj masy poleku32 jakōm warzechōm. Bratruła33 nagrzyjcie do 165 stopni, biszkopt dejcie do formy i wrojście go rajn34 na 35-40 minut. Jak już baje35 upieczōny, to go wyciōngcie36, ôbrōćcie forma na ôpy37 i ściepnijcie38 ze 20-30 cm na rozłożōny na stole ryncznik (niy bydzie tak opadać). Jak ochōdnie- a nojlepi na drugi dziyń- mogecie tyn biszkopt przekrajać.

Tera bierymy sie za kryjma driny. Joł żech wszyjske te składniki wciep do robota kuchynnego, kery to posiekoł, ale jak takigo niy mołcie, to pokrajcie39 te składniki na drobno, dejcie majōnez, wymiyszejcie i posmarujcie dolny placek. Na wiyrch wciepcie tyn drugi i idymy40 do nastympnyj kryjmy.

Listki ze bazyli zblyndujcie ze śmiytōnkōm, a niyskorzi41 jōm ubijcie, wciepcie trocha soli, pieprzu, maskarpōne, wszyjsko fajnie wymiyszejcie, a potyn rozsmarujcie po całym biszkopcie z wiyrchu.

Śmiytōnka do strojynia ubijcie, dejcie do szpricy i mogecie wymyślać roztomajte42 wzory na wiyrchu torty. Joł żech tam doł tyż małe tōmaty i pokrajane strugaczkōm duge szajby43 zielōnego ôgōrka. Roboty trocha bōło, ale jak sie chce zaskoczyć gojści44 tortōm ze szinkōm, to sie trza45 natrołpić46, ale za to potyn… czeko nołs47 kans48 dobroci 🙂

1ō- samogłoska w wymowie między o i u

2jest

3bardziej

4możecie

5wszystko

6wzięło

7żona

8powiedziała

9ô= ło

10będzie

11przez

12tu: mężowi

13urodziny

14zorientować się

15rozpieszcza

16którą

17jej

18krem

19w środku

20rzodkiewek

21szczypiorku

22górze

23śmietany

24dekoracji

25pomidory

26bierzemy

27wcześniej

28tylko

29ciężka

30szczyptę

31dodajcie

32powoli

33piekarnik

34do środka

35będzie

36wyjmijcie

37do góry dnem

38zrzućcie

39pokrójcie

40idziemy

41później

42różne

43plastry

44gości

45trzeba

46napracować

47nas

48dużo

One thought on “Torta ze szinkōm (Tort z szynką)

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *