Łōdki prowansalske (Paszteciki)

Przi fajerze1 to chciałoby sie gojści2 czym zaskoczyć, ale żeby tyż przi tym niy mieć za kans roboty. Te łōdki3 to żech sie sōm wymyślōł4 i niy ma ich co szukać we ksiōnżkach ze kuchniōm francuskōm. Fajnie wyglōndajōm5, idzie sie poasić6 nazwōm, a do tego jeszcze sōm richtich7 dobre. Farsz dołwo sie na ciasto francuske i jak byjście chcieli sie je zrobić samymu, to już bajecie8 musieli sie trocha wiyncyj natrołpić9– joł je zgniōły10 i żech sie je kupiōł.

Co potrza?

30-40 dkg mielōnego hańdyka11

20 dkg wyndzōnki12

25 dkg pieczarkōw

łeżka ziołōw prowansalskich

1 cebula

2 zōmbki czosku

pieprz i trocha soli

paczka kiełkōw na patelnia

15 dkg żōłtego syra

2 opakowania ciasta francuskego

Boczek pokrajejcie13 i przipiyccie, potyn dociepcie14 do tego pokrajanoł cebula, pieczarki, miyso, przeciśniynty bez praska czosnek i niech to wszyjsko trocha odparuje. Na kōniec dociepcie kiełki i prziprawy- uważejcie ze solōm, bo wyndzōnka je słōnoł.

Ciasto francuske pokrejcie na mańsze kōnski15– rołz16 bez środek i 6-8 cm paski na szyrokojść.

Na kołżdo czyńść17 wciepcie18 trocha nadziynia, na wiyrch19 kōnsek syra i ze dwōch bokōw zbiercie i sklyjcie kōńcōwki, żeby sie nōm zrobiōła łōdka.

Bratruła20 rozgrzyjcie na 200 stopni i wrojście21 tam te łōdki na 20-25 minut. Jak już sie fajnie przibrōnołcōm22, to… smacznego 🙂

1uroczystości

2gości

3ō- samogłoska w wymowie między o i u

4wymyśliłem

5wyglądają

6pochwalić

7naprawdę

8będziecie

9pomęczyć

10leniwy

11indyka

12boczku wędzonego

13pokrójcie

14dorzućcie

15mniejsze kawałki

16raz

17część

18wrzućcie

19górę

20piekarnik

21włóżcie

22przypieką

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*