Placki kartołflane ze pieczarkowōm zōłzōm (Placki ziemniaczane z sosem pieczarkowym)

Niy znōm1 chyba takego czowieka, kery by niy jołd2 kejś3 plackōw kartołflanych. Za starego piyrwy4 nasze ōłmy5 piykły6 je na blasze i te placki zawsze bydymy7 nojlepi spōminać8. Potyn my powyciepowali9 ze kuchni piece, bo za kans10 bōło marasu11 skuli12 tego wōngla13 i trza bōło placki piyc na patelni we fecie14 abo ôleju. Choć joł15 żech już prōbowoł je piyc na teflōnowyj patelni bez tłuszczu- smak majōm inkszy16, mani17 cholesterolu, ale niy sōm tak fajnie chrōpiōnce. Do tych plackōw żech sie wynołkwiōł18 tako pieczarkowoł zōłza, kero19 na piōntek20 bydzie idealno, nawet dlo nojbarzi21 pobożnego Hanysa22 😉

Co potrza?

Placki:

1 kg ôbranych kartołfli

1 cebula

2 zōmbki23 czosku

5 -6 łeżek mōnki pszynnyj

2 jajca

sōl i pieprz

ôlyj do smażynia (no chyba, że chcecie na fecie)

Zōłza:

0,5 kg pieczarkōw

400 ml śmietōnki24 (12 abo 18 %)

łeżka masła klarowanego

1 łeżeczka majeranku (kajś żech widzioł, że go piyrwy mianowali majerōnek)

0,5 łeżeczki mielōnego kminku

0,5 łeżeczki kurkumy (moł fajno żōłto farba i je bardzo zdrowoł)

0,5 łeżeczki czosku niydźwiedziego (abo jedyn zōmbek czosku)

sōl i pieprz

trocha mōnki do zagynszczynia zōłzy

Kartołfle, cebula i czosnek trzymy na miazga, dociepujymy mōnka, prziprawy, jajka, miyszōmy i placki mōmy fertich25 do pieczynia. Joł całe szczyńście mōm takego robota, kery mi te wszyjske kartołfle potarł26, bo piyrwy to jak bych27 sie niy staroł, to zawsze mi kajś28 tyn palec ujechoł29 i rynka bōła trocha pocharatanoł. Choć połra razy żech tar kartołfle tyż na tych rubszych ôczkach i to mogecie być zicher30, że danie bydzie bez czerwōnych krwinek 😉

Tera bierymy sie za zōłza. Pieczarki pokrajcie na mańsze kōnski- ale bez przesady, bo jak mołcie za kans czasu, to sie lepi poczytejcie ksiōnżka- i wciepcie na suchoł patelnia, żeby trocha ôdparowały woda. Mōm nadzieja, że niy musza Wōm pisać, że ta patelnia moł być bez tyn czas na piecu 😉 Jak już trocha ta woda ôdparuje, dociepcie tam masła i prziprawy. Potyn jeszcze śmiytōnka i już zōłza prawie fertich. Keby31 bōła za rzołdko32, to mogecie dać tam trocha mōnki rozrobiōnyj we zimnyj wodzie i jōm zagyńścić.

Jak chcecie piyc33 placki bez ôleju i fetu, to yno leko34 natłuście patelnia i biercie sie za pieczynie, a jak chcecie mieć je take fajnie chrōpiōnce, to nalyjcie na patelnia ôleju, a jak sie ôzgrzeje, ponakłołdejcie po łeżce plackowego ciasta. Jak już placki bydōm ze kołżdyj strōny fajnie przibrōnołcōne35, to je przeciepcie na papiyrzany 36ryncznik, żeby tyn fet w niego trocha wsiōnknōł37.

Takego placka mogecie sie wciepnōńć38 na talyrz, ôblołć39 zōłzōm i… smacznego 🙂

1znam; ō- samogłoska w wymowie między o i u

2jadł

3kiedyś

4dawniej

5babcie

6piekły

7będziemy

8wspominać

9wyrzucili

10dużo

11brudu

12z powodu

13węgla

14tłuszczu

15ja

16inny

17mniej

18wymyśliłem

19która

20piątek

21najbardziej

22Ślązaka

23ząbki

24śmietany

25gotowe

26potarł

27bym

28gdzieś

29omsknął

30pewni

31gdyby

32rzadka

33piec

34lekko

35przypieczone

36papierowy

37wsiąknął

38wrzucić

39oblać

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *