Kokot ze apfylzinōm (Kogut z pomarańczą)

Zarozki1 trza2 pedzieć3, że tak po prołwdzie4 to żech niy sprawdzoł, czy w tym mojim gorku bōła5 kura abo kokot, ale jakosik mi te miano tak lepi pasowało- niyftorzi6 by pedzieli: licentia poetica.

Apfylziny już na same spōmniynie7 nos8 rozgrzywajōm bez te dyszczowe9, jesiynne abo zimowe dni. A zołza10 je tak dobro, że nawet talyrz ôd11 moji Baby12 bōł wypucowany13 do ôstatniyj kropelki 😉

Co potrza?

0,5 kg piersi ze kurczaka

sok ze jednyj apfylziny14

keliszek biołego wytrawnego abo pówytrawnego wina

1 małoł15 cebula

łeżka masła klarowanego

ze 2 łeżki oliwy

ze 3 ślizyki16 zezworu (barzi17 go znołcie jako imbir)

śmiytōnka18 (moge być 12%)

sōl i pieprz

Robi sie to richtich19 wartko20, a jak sie bydzie dusić, to mogecie sie nawet ôbejrzeć 2 odcinki Waszego serialu 😉

Kurczaka pokrejcie21 na rubsze22 połski23. Na leko24 natłuszczōnyj patelni na srogim25 hicu26 przipiyczcie kurczaka- jak niy docie za kans27 tustego28, to niy baje29 Wōm tak pryskało. We brytfance abo jakim gorku30 na maśle klarowanym zeszklijcie pokrōnoł cebula, dolyjcie do tego ździebko31 oliwy i dociepcie32 przipieczōnego kurczaka. Na patelnia mogecie wlołć wino, co by Wōm zebrało tyż te prziklejōne, fajnie przibrōnołcōne kōnski, kere ôstały po naszym „kokocie” i zlyjcie33 to do brytfanki, we keryj już na te wino czekajōm kurczakowe piersi. Dolyjcie do tego sok, dociepcie zezwōr, sōl, pieprz i niech sie to tak na mały ôgniu ze godzinka popykoł34. Potyn wyciōngcie miyso i wlyjcie do zōłzy śmiytōnki- mogecie jōm pryndzyj zahartować, co by Wōm sie niu zwarzōła (dejcie dō ni połra łeżek zōłzy). Wymiyszejcie, mogecie dosmakować, wyciōngcie kōnski zezworu, wciepcie tam jeszcze na chwila „kokota” i już mōmy nasze danie fertich. Joł żech do tego mioł dziki ryż (kery po prołwdzie je nasiōnami trołwy) i potarte jabko ze marchwiōm. Nic wiyncyj tymu niy trza… nō, może jeszcze lampka wina 😉 Smacznego 🙂

1zaraz

2trzeba

3powiedzieć

4naprawdę

5była; ō- samogłoska w wymowie między o i u

6niektórzy

7wspomnienie

8nas

9deszczowe

10sos

11ô= ło

12żony

13wyczyszczony

14pomarańczy

15mała

16plasterki

17bardziej

18śmietana

19naprawdę

20szybko

21pokrójcie

22grubsze

23paski

24lekko

25dużym

26wysokiej temperaturze

27dużo

28tłuszczu

29będzie

30garnku

31trochę

32dorzućcie

33zlejcie

34 wolno pogotuje

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *