Karminadle choby po gruzińsku (Klopsiki a’la gruzińskie)

We kuchni gruzińskyj je we receptach1 kans2 bakłażana i ôrzechōw, a mie3 tak jakosik te dwa składniki posmakowały, że kajś4 bych je zajś wcis5. I tak żech prziszoł6 do tych karminadli, choć może by niyftorzi7 pedzieli8, że to już niy sōm9 karminadle, bo przeca10 bez jajec i wymoczōnyj żymły11 to żołdno12 kuchara niy robi karminadli, ale joł sie lubia poeksperymyntować i przi warzyniu, i przy wymyślaniu miana13.

Co potrza?

2 małe bakłażany

500 g mielōnego miysa ze hańdyka14 (choć mogecie sie dać tyż wieprzowe abo drobiowe)

1 łeżka mielōnyj kolyndry

2 zōmbki czosku

2 gorście posiekanych ôrzechōw

trocha tartyj bōłki

sōl i pieprz

ôlyj do pieczynia

Bakłażany potrzyjcie na srogich15 ôczkach na tarle i posujcie16 solōm. Jak już puszczōm sok, to mogecie je przepōkać.17 Wciepcie18 je na chwila na patelnia- niech sie trocha przipiekōm. Ôrzechy mogecie na jakim tygliku19 uprażyć i pokrajać20 na mańsze kōnski21. Do jaki miski wciepcie miyso, bakłażana, ôrzechy, prziprawy, wyciście czosnek i fajnie wymiyszejcie. Ukulejcie karminadle, ôbtoczcie we tartyj bōłce i na ôleju przibrōnołćcie22. Filozofiji sam srogyj niy ma, a take wynołkwiōne23 karminadle mogecie zjejś ze jakim szołołtym,24 kartołflōma25… abo i same 😉 Smacznego 🙂

1przepisach

2dużo

3mnie

4gdzieś

5wcisnął

6wymyśliłem

7niektórzy

8powiedzieli

9są, ō- samogłoska w wymowie między o i u

10przecież

11bułki

12żadna

13nazwa

14indyka

15dużych

16posypcie

17przepłukać

18wrzućcie

19mała patelnia

20pokroić

21mniejsze kawałki

22przypieczcie

23wymyślne

24sałatką

25ziemniakami

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *